Facebook-ի նոր գործիքը կօգնի լրագրողներին նորություններ գտնել սոցցանցերում18 սեպտեմբերի 2015 - 14:49 AMT PanARMENIAN.Net - Facebook սոցիալական ցանցը լրագրողների համար մշակել է Signal նոր գործիքը, որն օգնում է նորություններ գտնել Facebook-ում և Instagram-ում: Signal-ը ցույց է տալիս քննարկվող հեշթեգերը և վերջին շրջանում տարածում ստացած գրառումները: Կա նաև վերջին նորություններով ներդիր` գրանցված քաղաքական գործիչների, դերասանների, գրողների, երաժիշտների և հայտնի այլ անձանց վերաբերյալ: Նրանց համար կարելի է ստեղծել համեմատական մետրիկաներ, որոնք ցույց կտան ամենաքննարկվող անձանց: Առանձին ներդիրներով են աշխատում որոնումները Facebook-ում և Instagram-ում: Վերջինիս դեպքում որոնումը կարելի է իրականացնել հեշթեգերով և գեոթեգերով: Բոլոր գրառումները կարելի է հավելել անմիջապես Signal-ից կամ պահպանել դրանք թեմատիկ հավաքածուներում: Facebook սոցցանցի հատուկ աշխատանքի համար ստեղծված տարբերակը նախատեսվում է բաց բետա-թեստավորման ներկայացնել մինչև 2015-ի ավարտը: Այդ մասին հայտնել էր Facebook-ի աշխատակից Ժուլյեն Կոդորնյուն, որը զբաղվում է սոցցանցի աշխատանքային տարբերակով: Facebook at Work տարբերակը հիմնականում նման է սովորական Facebook-ին: Սակայն այնտեղ կարելի է շփվել միայն գործընկերների, աշխատակիցների հետ: Այսինքն հիմնական պրոֆիլի ընկերները Facebook at Work-ում չեն լինի: 2015-ի հունվարից այս տարբերակը փորձարկվում է մոտ 100 ընկերություններում ամբողջ աշխարհում: Օրինակ, Heineken-ում թեստավորումը սկսել են 40 թոփ-մենեջերներից, այժմ մասնակցում է 500 աշխատակից, իսկ Linio-ում Facebook-ի աշխատանքային տարբերակից օգտվում է արդեն 2.000 մարդ: Իսկ Facebook-ի ներսում աշխատակիցներն արդեն մի քանի տարի է աշխատում են այս տարբերակով: Հայտնի չէ, թե երբ վերջնական տարբերակը կբացվի սոցցանցում, սակայն, այն հավանաբար, կունենա անվճար տարբերակ, որոշ սահմանափակումներով, և ամբողջական, որը հասանելի կլինի վճարովի բաժանորդագրությամբ: Facebook-ում դեռ չեն որոշել, թե ինչ սահմանափակումների կամ լրացուցիչ գործառույթների մասին է խոսքը: Ըստ հեղինակների, Facebook at Work-ի առավելություններից մեկն այն է, որ օգտատերերի մեծ մասն արդեն գիտի, թե ինչպես պետք է օգտվել սովորական Facebook-ից: Հղումներ թեմայով. Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |