Պեսկով. «Թուրքական հոսք»-ի շուրջ աշխատանքները շարունակվում են, նախագահները քննարկել են նաև Սիրիայի հարցը24 սեպտեմբերի 2015 - 14:07 AMT PanARMENIAN.Net - ՌԴ նախագահ Վլադիմիր Պուտինը և Թուրքիայի առաջնորդ Ռեջեփ Թայիփ Էրդողանը Մոսկվայում քննարկել են գազի թեման երկու երկրների միջև հարաբերություններում: Այս մասին լրագրողներին հայտնել է ՌԴ նախագահի մամուլի խոսնակ Դմիտրի Պեսկովը: Էրդողանը սեպտեմբերի 23-ին մեկօրյա աշխատանքային այց է կատարել Մոսկվա, որտեղ մասնակցել է մզկիթի բացման արարողությանը և բանակցություններ ունեցել Պուտինի հետ։ «Քննարկվել են նաև գազի հետ կապված հարցը: Օրակարգը ծավալուն էր: Գործերը մի փոքր դանդաղում են, քանի որ Թուրքիայում նոյեմբերի 1-ին խորհրդարանական ընտրություններ են նախատեսվում», - ասել է Պեսկովը, մեջբերում է ՌԻԱ Նովոստին: Պատասխանելով հարցին, թե հաջողվե՞լ է արդյոք հասնել որեւէ համաձայնության «Թուրքական հոսքի» իրականացման հարցում, մամուլի խոսնակը հայտնել է, որ «դրա շուրջ աշխատանքները շարունակվում են»: Թուրքիայի և Ռուսաստանի միջև «Թուրքական հոսք» գազատարի շինարարության շուրջ բանակցությունները սառեցվել են: Այս մասին սեպտեմբերի 11-ին հայտարարել է Թուրքիայի էներգետիկայի և բնական պաշարների նախարարության խորհրդականի օգնական Սեֆա Սադըք Այթեքինը: «Ռուսաստանի հետ բանակցությունները այս վիճակով մտել են փակուղի: Ռուսները «BOTAŞ»-ի և «Gazprom»-ի միջև զեղչի հետ կապված բանակցությունները դիտարկում են որպես «Թուրքական հոսք»-ի համար նախապայման: Մենք էլ դա դիտարկում ենք որպես մեկնակետ», - ասել է Այթեքինը: Թուրք պաշտոնյան հավելել է, որ եթե ռուսական կողմը առանց նախապայմանի գնար զեղչի, ապա այժմ ավելի հուսադրող հանգրվանի հասած կլինեինք: Միաժամանակ նա նկատել է, որԹուրքիան բնական գազ գնելու ծավալներով Գերմանիայից հետո հանդիսանում է Ռուսաստանի ամենախոշոր գործընկերը: Հանդիպմանը կողմերը անդրադարձել են նաև Սիրիայի հարցին. Էրդողանը հայտարել է, որ Ռուսաստանը, Թուրքիան, ԱՄՆ-ն և Իրանը պետք է համագործակցեն սիրիական խնդրի լուծման հարցում: «Ես չտեսա սիրիական խնդրի հանդեպ Ռուսաստանի դիրքորոշման մեջ որոշակիություն։ Մեր արտգործնախարարները կրկին կաշխատեն այդ հարցի վերաբերյալ։ Նպատակահարմար է այդ աշխատանքում ներգրավել Իրանին և ԱՄՆ-ին։ Կարգավորման գործընթացը պետք է անցկացվի առանց Սիրիայի նախագահ Բաշար ալ-Ասադի, սակայն նրան կարելի է ներգրավել անցումային շրջանում», - ասել է Թուրքիայի նախագահը, գրում է Tert.am-ը: Սիրիայի ԱԳՆ ղեկավարը սեպտեմբերի 17-ին հայտարարեց, որ Սիրիայի ղեկավարությունը կարող է խնդրել Մոսկվային, որպեսզի ՌԴ զինված ուժերը մասնակցեն ահաբեկչության դեմ համատեղ պայքարին, եթե նման անհրաժեշտություն լինի: Ի պատասխան ՌԴ նախագահի մամուլի քարտուղար Դմիտրի Պեսկովը հայտարարեց, որ Ռուսաստանը պատրաստ է քննարկել «Իսլամական պետության» դեմ գործողության մասին Դամասկոսի խնդրանքը, եթե վերջինս դիմի այդ հարցով: Սիրիայի ղեկավարության խնդրանքը, եթե այդպիսին լինի, որ Ռուսաստանի զինվորները սիրիացի զինվորականների հետ միասին մասնակցեն ռազմական գործողություններին, կդիտարկվի և կքննարկվի երկկողմ շփումների շրջանակում: Հավաքական անվտանգության պայմանագրի կազմակերպությունը (ՀԱՊԿ) կարող է Սիրիային օգնել քաղաքական ազդեցությամբ, սպառազինության մատակարարումներով, բայց մտադիր չէ Սիրիա ուղարկել զինված ուժերի ստորաբաժանումներ: Այս մասին հարցազրույցի ժամանակ հայտարարել է ՀԱՊԿ գլխավոր քարտուղար Նիկոլայ Բորդյուժան՝ անդրադառնալով ՀԱՊԿ նստաշրջանում Վլադիմիր Պուտինի՝ Սիրիային օգնելու համար կոալիցիա ստեղծելու վերաբերյալ խոսքերին: Ավելի վաղ Financial Times-ը հայտնել էր 2000 ռուս զինծառայողների Լաթակիայի ավիաբազայում տեղակայման մասին: Ըստ աղբյուրների, Մոսկվան որոշել է Սիրիայում 28 ինքնաթիռ տեղակայել` 4 ՍՈւ-27 կործանիչ, ՍՈւ-24 12 ռազմաճակատային ռմբակոծիչ և ՍՈւ-25 12 ինքնաթիռ, ինչպես նաև մոտ 20 ռազմական և տրանսպորտային ինքնաթիռ: Times of Israel-ը հայտնում է, որ Ռուսաստանի ռազմական ներկայությունը Սիրիայում քննարկման թեմա է եղել ՌԴ նախագահ Վլադիմիր Պուտինի և Իսրայելի վարչապետ Բենիամին Նեթանյահուի հետ հանդիպմանը: Մինչդեռ Մոսկվան ու Թեհրանը հայտարարել են, որ մտադիր են միասին պայքարել «Իսլամական պետության» ահաբեկիչների դեմ: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |