Գաղթականների հարցում պետք է այսօրվա իրականությունից ելնել, եւ «չդիմել» նախնիների գերեզմաններին30 հոկտեմբերի 2006 - 17:18 AMT PanARMENIAN.Net - Լեռնային Ղարաբաղը, այլ չճանաչված պետությունների համեմատ, շահավետ իրավիճակում է գտնվում. այն ունի «անվտանգության գոտի» կամ «օկուպացված տարածքներ»: Այդ մասին PanARMENIAN.Net ին տված հարցազրույցում հայտարարել է Ռուսաստանի ռազմավարական հետազոտությունների ինստիտուտի (ՌՌՀԻ) ԱՊՀ երկրների բաժնի ղեկավար, պատմագիտության թեկնածու Ալեքսանդր Սկակովը: Նրա խոսքերով, ներկա ստատուս-քվոն դժվար թե հաջողվի առհավետ պահպանել. չափազանց զորեղ են դրա խախտման մեջ շահագրգռված ուժերը: «Ադրբեջանն իր հերթին արագորեն ֆինանսական, տնտեսական, ռազմական, ժողվրդագրական պաշարներ է հավաքում, եւ Հայաստանն իրավունք չունի դա հաշվի չառնել: Այդ պատճառով, ինչ-որ պահի պետք է լուրջ ընտրություն կատարել պատերազմի եւ փոխզիջման միջեւ: Դեռ կողմերից ոչ ոք այդպիսի քայլի պատրաստ չէ, ոչ Հայաստանը, ոչ Ադրբեջանը պատրաստ չեն ոչ պատերազմի, ոչ փոխզիջման»,- նշել է նա:Ռուս վերլուծաբանը գտնում է, որ հետագայում, կողմերի բարի կամքի դրսեւորման դեպքում, կարող է խոսք գնալ «խաղաղություն եւ կարգավիճակ տարածքների փոխարեն» բանաձեւի մասին, այսինքն անկախ Լեռնային Ղարաբաղի նոր սահմանների երկկողմանի որոշումը` հիմնված փոխզիջման վրա: «Ես հոյակապ հասկանում եմ, որ Լաչինի եւ Քելբաջարի հարցում Ստեփանակերտը փոխզիջման չի գնա, բայց ուրիշ շրջաններ եւս կան, որոնց ազատագրումն այնքան էլ բարդ չէ: Գաղթականների հարցում համաշխարհային պրակտիկայում հայտնի մոտեցումներ կան` կապված բնակչության փոխանակման, տարածքների փոխանակման, նյութական փոխհատուցման հետ: Գաղթականների ամբողջական վերադարձ ժամանակակից պատմությունը չգիտի: Այդ հարցում պետք է այսօրվա իրականությունից ելնել, եւ «չդիմել» նախնիների գերեզմաններին: Բարի կամքի առկայության եւ միջնորդների, հովանավոր-երկրների, միջազգային կազմակերպությունների աջակցության դեպքում արդեն մոտ տարիներս կարելի է բավականին լուրջ առաջխաղացում ունենալ հակամարտության հետեւանքների հաղթահարման գործում: Դա իհարկե չի նշանակում, որ հակամարտությունը Լեռնային Ղարաբաղի շուրջ կարող է կարգավորվել 2006 թվականին կամ, օրինակ, 2007 թվականին: Պետք է հասկանալ, որ ամեն դեպքում գործընթացը ավելի երկար կլինի: Բանակցությունները միշտ ավելի երկար ժամանակ են պահանջում, քան պատերազմը»,- ընդգծել է Ալեքսանդր Սկակովը: Նա նաեւ նկատել է, որ կողմերը պետք է դադարեն պատմությանը դիմելուց, յուրաքանչյուր կողմն իր փաստարկներն ունի եւ որպեսզի ճշտենք` ով է նրանցից ճիշտ, պետք է ոչ միայն պատմաբան լինել, այլեւ տարածաշրջանի հարցով անաչառ մասնագետ լինել: «Դեռեւս այդ ամենը հիշեցնում է երկու խուլերի երկխոսություն, որը, ըստ էության, արդեն ոչ ոքի համար հետաքրքիր չէ: Ոչ ոք ոչ Արեւմուտքում, ոչ էլ Ռուսաստանում, չի պատրաստվում խորանալ այդ փաստարկների բնույթի մեջ, թեկուզ այն պատճառով, որ մեզ համար պատմությամբ ամրագրված էթնիկ իրավունքը տարածքի նկատմամբ, չի հանդիսանում ոչ բացարձակ, ոչ էլ անհրաժեշտ: Ելնելով հողի նկատամամբ էթնիկ իրավունքի տրամաբանությունից, Ռուսաստանը պետք է Ուկրաինայից պահանջի Ղրիմը, իսկ Արեւլյան Պրուսիան պետք է տա Գերմանիային: Նույն խնդիրն է նաեւ մյուս եվրոպական երկրների դեպքում, ԱՄՆ-ի մասին էլ չխոսենք, այդ պատճառով այստեղ ձեր տրամաբանությունը եւ ձեր փաստարկները դժվար թե ինչ-որ մեկը գնահատի: Նմանատիպ իրավիճակ է վրաց-աբխազական եւ վրաց-օսական հակամարտությունների դեպքում, այնտեղ եւս պատմական գործոնը հակամարտության կողմերից բացի, ոչ մեկին չի հուզում»,- ընդգծել է ՌՌՀԻ փորձագետը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Ռուս սահմանապահները Ներքին Հանդում այլևս չեն հսկում անցուդարձը, հավաքել են մալուխները Անցակետում մի քանի ռուս զինվորականներ կան, որոնք արդեն կից դիտակետից չեն հսկում անցուդարձը ԱԳ նախարար․ Ալմաթիի հռչակագրի ամրագրումն Ադրբեջանի հետ պայմանագրում կարող է խաղաղություն հաստատել «Ես իմ գործընկերոջը ներկայացրել եմ Հարավային Կովկասում առկա վիճակը»,–ասել է նա Միրզոյանը դասալիք է անվանել «Տավուշը հանուն հայրենիքի» շարժմանը միացած դիվանագետներին Միրզոյանի կարծիքով՝ սա ամենամեղմ գնահատականն է, որ կարող է իրեն թույլ տալ հնչեցնել ԳԱԱ գլխավոր շենքի դռները փակ էին. Բագրատ սրբազանը միայնակ ներսում հանդիպել է փոխտնօրենին և աշխատողներին Պատմության ինստիտուտում նրան դիմավորել է տնօրեն Աշոտ Մելքոնյանը |