Վարդան Օսկանյանն անընդունելի է համարում ՍԾՏՀ որոշ երկրների մեկուսացման քաղաքականությունը 1 նոյեմբերի 2006 - 18:11 AMT PanARMENIAN.Net - ՀՀ ԱԳ նախարար Վարդան Օսկանյանը Մոսկվայում մասնակցեց Սեւծովյան տնտեսական համագործակցության կազմակերպության (ՍԾՏՀ) արտգործնախարարների խորհրդի 15-րդ նիստին, հաղորդում է ՀՀ ԱԳՆ մամլո ծառայությունը: Ելույթում Վ. Օսկանյանը մասնավորապես ասաց, որ չնայած առկա երկկողմ խնդիրներին` ՍԾՏՀ երկրները բազում ընդհանրություններ ունեն: Քաղաքական հարցերի կարգավորման համար ներդաշնակ միջավայր ստեղծելու նպատակով այդ ընդհանրությունները պետք է գերիշխեն գոյություն ունեցող տարբերություններին: Նախարարը նշեց նաեւ, որ տրանսպորտային օղակ ստեղծելու ջանքերին զուգահեռ որոշ անդամ-երկրների դուրսմղման քաղաքականությանը դիմելը, անդամ-երկրներին շրջանցելն ու արդեն գոյություն ունեցող տրանսպորտային միջոցները անտեսելը անընդունելի են մեկ կազմակերպության անդամների համար: Անդրադառնալով Բուլղարիայի եւ Ռումինիայի ԵՄ առաջիկա անդամակցությանը` Վ. Օսկանյանն ընդգծեց, որ դա նոր հնարավորություն է ստեղծում ՍԾՏՀ-ի եւ ԵՄ-ի սերտ համագործակցության համար` հաշվի առնելով որոշ ընդհանուր շահերն ու որոշ երկրների` երկու կազմակերպություններին անդամակցելը: Նախարարն առաջարկեց Ստամբուլում կայանալիք կազմակերպության 15-ամյակի գագաթաժողովի նախապատրաստման շրջանակում ուսումնասիրել կուտակված փորձը, նոր մարտահրավերները եւ կազմակերպության արդյունավետությունը բարձրացնելու նպատակով իրականացնել անհրաժեշտ ինստիտուցիոնալ բարեփոխումներ: Սեւծովյան տնտեսական համագործակցության կազմակերպության արտգործնախարարների խորհրդի նիստի արդյունքում ընդունվեց համատեղ հռչակագիր, իսկ կազմակերպության նախագահությունը Ռուսաստանից փոխանցվեց Սերբիային: Նիստի շրջանակում ՀՀ ԱԳ նախարարը հանդիպեց Ռուսաստանի ԱԳ նախարար Սերգեյ Լավրովի հետ: Հանդիպման ընթացքում կողմերը քննարկեցին երկկողմ հարաբերությունները, ինչպես նաեւ տարածաշրջանային հարցեր: Անդրադարձ եղավ Լեռնային Ղարաբաղի հակամարտության խաղաղ կարգավորման գործընթացին: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Հնդկաստանն արդիականացրել է ՀՀ մատակարարված հրետանային համակարգերը՝ նոր էլեկտրոնիկա տեղադրելով Հրետանային համալիրներում տեղադրվել են պարզեցված ինտերֆեյսով բալիստիկ համակարգիչներ Առաջիկա օրերին սպասվում է անձրև և ամպրոպ․ Ջերմաստիճանը կնվազի Մայիսի 4–ի ցերեկը մայրաքաղաքում կգրանցվի +19 աստիճան Ողջաբերդ գետի հենապատի փլուզման հետևանքով Նոր Արեշում տներ են հեղեղվել Իրականացնում են գետի հունի մաքրման, երկաթբետոնե կառուցատարրերի տեղափոխման Սփյուռքի գործերի գլխավոր հանձնակատարը գործուղվել է Իտալիա Հանդիպումներ կլինեն տեղի պաշտոնատար անձանց, հայկական կառույցների հետ |