 ԵՏՄ-ում ռոումինգի սակագները մոտ 7 անգամ կնվազեն 31 հոկտեմբերի 2015 - 10:58 AMT PanARMENIAN.Net - ԵՏՄ–ի շրջանակում ռոումինգի գներն առաջիկայում մի քանի անգամ կնվազեն։ Այս մասին լրագրողներին տեղեկացրել է Ռուսաստանի դաշնային հակամենաշնորհային ծառայության ղեկավար Իգոր Արտեմևը։ «Բջջային օպերատորները, մեր երկրների իրենց գործընկերների հետ անցկացնելով երկար ամիսներ տևող բանակցություններ, նշեցին, որ առաջիկայում ռոումինգի սակագները կնվազեն մոտ 7 անգամ», - ասել է Արտեմևը, ՏԱՍՍ-ին հղումով գրում է Newsarmenian.am-ը: «Կնվազեն ինտերնետի, ձայնային ծառայության սակագները ռոումինգում ԵՏՄ անդամ 5 երկրներում: Մենք չգիտենք, երբ կզրոյացնենք ռոումինգի սակագները ԵՏՄ-ում, սակայն առաջիկայում դա անպայման կարվի: Դա կարող է լինել 2017-ին, իսկ գուցե` 2020-ին»,-ասել է Արտեմևը: Առայժմ միայն «ՎիմպելԿոմ»-ի օպերատորն է պատրաստ նվազեցնել ռոումինգի սակագները ԵՏՄ ամբողջ տարածքում: «ՎիմպելԿոմի» բաժանորդները խոսակցության 1 րոպեի համար 49 ռուբլու փոխարեն կստանան 5 րոպեի համար նախատեսված փաթեթ 40 ռուբլով անդամ բոլոր երկրներում, հայտնել է օպերատորի ներկայացուցիչը, հայտնում է ՌԲԿ-ն: «ՎիմպելԿոմի» մրցակիցները «մեծ եռյակում»` ՄՏՍ-ն ու «Մեգաֆոնը», նվազեցնում են կապի ծառայության բազային սակագները միայն առանձին տարածաշրջաններում: ՄՏՍ-ի դեպքում խոսքը Հայաստանում սակագների փոփոխության մասին է, որտեղ 1 րոպեն կարժենա 60 ռուբլի (444 դրամ) 65 ռուբլու փոխարեն, ասել է օպերատորի կորպորատիվ և իրավական հարցերի գծով փոխնախագահ Ռուսլան Իբրահիմովը: Բջջային ինտերնետի արժեքը Հայաստանում կնվազի գրեթե 3 անգամ և կարժենա 5 ռուբլի (մոտ 40 դրամ) թրաֆիկի 40 Կբ համար, SMS-ի արժեքը նվազում է 4 անգամ` մինչև 5 ռուբլի (մոտ 40 դրամ) մեկ հաղորդագրության համար, ասվում է ՄՏՍ-ի պաշտոնական հաղորդագրության մեջ: 2015-ի Մայիսի վերջին հաղորդվում էր, որ ՌԴ դաշնային հակամենաշնորհային ծառայությունը ռուսական բջջային օպերատորներին նամակներ էր ուղարկել` խնդրելով, որպեսզի նրանք իրենց ռոումինգային գործընկերներին առաջարկներ ուղարկեն փոխհաշվարկների տոկոսադրույքները փոխելու մասին, որոնց չափից է մեծ մասամբ կախված բաժանորդի համար ծառայության արժեքը։ ՌԴ դաշնային հակամենաշնորհային ծառայության կարծիքով` ռոումինգի սակագները չպետք է էականորեն տարբերվեն բաժանորդի ժամանակավոր կացության երկրում գործող կապի գնից։ 2015-ի հունիսին ՌԴ Դաշնային հակամենաշնորհային ծառայության ղեկավար Իգոր Արտեմևը հայտարարել էր, որ Ռուսաստանի քաղաքացիների համար ռոումինգի գները կնվազեն ամենաքիչը 2 անգամ: Միաժամանակ ՌԴ դաշնային հակամենաշնորհային ծառայությունը ռոումինգի գների նվազման հարցը քննարկել է միջազգային աշխատանքային խմբի մակարդակում, որը ձևավորվել էր ռուսական և թուրքական կողմերի նախաձեռնությամբ։ Խմբում ներառվել էին ԵՏՄ, ԱՊՀ երկրները։   Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի   Ամենաընթերցվողը բաժնում |  Վերջին լուրեր Պեսկով. Կողմ ենք Բաքվի և Երևանի միջև շփումների շարունակմանը  Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերըՀացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համարՓաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունըԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |
