Պետդեպ. ԱՄՆ-ն կողմ է ՆԱՏՕ-ին Վրաստանի անդամակցությանը 4 նոյեմբերի 2015 - 12:47 AMT PanARMENIAN.Net - ԱՄՆ կողմ է, որ Վրաստանն ընթանա ՆԱՏՕ-ին անդամակցելու ճանապարհով, ասվում է ռազմավարական գործընկերության երկկողմ հանձնաժողովի Վաշինգտոնում տեղի ունեցած նիստում ընդունված համատեղ հայտարարության մեջ: «Երկու կողմերն ընդգծել են, որ Վրաստանն առաջընթաց է գրանցել ՆԱՏՕ-ին անդամակցելուն ուղղված գործընթացում: ԱՄՆ-ն հաստատել է, որ կողմ է Վրաստանի անդամակցությանը ՆԱՏՕ-ին, և աջակցություն է հայտնել այդ ճանապարհով գնալու նրա ձգտումներին»,-ասվում է փաստաթղթում, որը տարածել է ԱՄՆ Պետդեպը: Փաստաթղթում ասվում է նաև, որ Վաշինգտոնն ու Թբիլիսին արձանագրել են Վրաստանի կողմից անցկացրած «ինտենսիվ բարեփոխումները և առաջընթացը, ինչը կնպաստի երկրի նախապատրաստմանը հյուսիսատլանտյան դաշինքին անդամակցելուն»: Կողմերը նաև նշել են, որ «բարելավվել է Վրաստանի փոխգործակցությունը ՆԱՏՕ-ի հետ» և «քննարկվել է Վրաստանի անվտանգության ամրապնդման կարևորությունը նրա պաշտպանական հնարավորությունների, կայունության և զսպման հնարավորությունների ընդլայնման միջոցով»: Ընդգծվում է նաև, որ ԱՄՆ-ն ձգտում է նպաստել «Վրաստանի սահմանների ամրացմանը` հակազդելու համար անդրազգային կազմակերպված հանցավորությանը»: Բացի այդ, «երկու կողմերը կարևորել են բարեփոխումների շարունակությունն անվտանգության ոլորտում Վրաստանի բոլոր քաղաքացիների իրավունքները պաշտպանելու համար»: Օգոստոսի 27-ին Վրաստանում բացվեց Վրաստանի և ՆԱՏՕ-ի համատեղ ուսումնական կենտրոնը: Կենտրոնի բացումը նախատեսված էր ՆԱՏՕ-Վրաստան գործակցության փաթեթով, որն ընդունվել է 2014-ի սեպտեմբերին Ուելսում կայացած դաշինքի գագաթնաժողովում: Վրաստանն ակնհայտ առաջընթացի է հասել ՆԱՏՕ-ին անդամակցելու ճանապարհին` քաղաքական և դատական համակարգերի բարեփոխման գործում արձանագրած նվաճումների շնորհիվ, ասել է ՆԱՏՕ-ի գլխավոր քարտուղար Յենս Ստոլտենբերգը: Անդրադառնալով այն հարցին, թե ինչ որոշում կարող է Վրաստանն ակնկալել 2016-ին կայանալիք Վարշավայի գագաթնաժողովում, Ստոլտենբերգն ասել է, որ չի կարող նախապես խոսել այդ մասին: «Ես իրոք չեմ կարող նախապես ասել, թե ինչ որոշում կկայացվի Վարշավայում, սակայն կարող եմ ասել, որ Վրաստանն արդեն ստացել է անհրաժեշտ գործիքներն առաջ շարժվելու և ՆԱՏՕ-ին ինտեգրվելու ճանապարհին առաջընթաց գրանցելու համար: Առաջընթացն ակնհայտը է»,-ասել է նա: Վրաստանի ինստիտուցիոնալ համագործակցությունը ՆԱՏՕ-ի հետ մեկնարկեց 1994 թվականին, երբ Վրաստանը դարձավ «Գործընկերություն հանուն խաղաղության» (PfP — Partnership for Peace) ծրագրի մասնակից: 2004 թ. «Վարդերի հեղափոխությունից» հետո Վրաստանի և ՆԱՏՕ-ի գործակցությունն ավելի ակտիվացավ: Վրաստանը մտադիր է 2016-ին «Անդամակցության գործողությունների ծրագիր» ստանալ ՆԱՏՕ-ից: Ավելի վաղ Մոսկվան հայտարարեց, որ ՆԱՏՕ-ի շահերից բխող ռազմական ենթակառուցվածքի տեղակայումը Վրաստանում սպառնալիք կստեղծի կայունությանն Անդրկովկասում: Վրաստանում նաև գործում է ՆԱՏՕ-ի չափանիշներին համապատասխանող լեռնային հրաձիգների հենակետը Սաչխերեում: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |