ՌԴ պատվիրակությունը չի մասնակցի ԵԽԽՎ հունվարյան նստաշրջանին18 հունվարի 2016 - 12:59 AMT PanARMENIAN.Net - ՌԴ պատվիրակությունը չի մասնակցի Եվրոպայի Խորհրդի խորհրդարանական վեհաժողովի ԵԽԽՎ ձմեռային նստաշրջանին: Այդ մասին ՏԱՍՍ-ին է հայտնել ՌԴ պատվիրակության փոխղեկավար, ԱՊՀ, եվրասիական ինտեգրման և հայրենակիցների հետ կապերի գծով Պետդումայի կոմիտեի նախագահ Լեոնիդ Սլուցկին: «Այժմ ՌԴ Պետդումայի պալատների խոսնակների ստորագրությամբ ԵԽԽՎ ղեկավար Անն Բրասերի անունով նամակ է պատրաստվում այն մասին, որ ՌԴ պատվիրակությունը չի մասնակցի հունվարյան նստաշրջնին»,-ասել է Սլուցկին: Ավելի վաղ, իրավիճակին իրազեկ աղբյուրը հայտնել էր, որ հունվարի 15-ին ըստ վեհաժողովի կանոնակարգի սպառվել է ժամկետը, երբ ազգային պատվիրակությունները պետք է ներկայացնեին իրենց պատվիրակների ցուցակը: «ՌԴ պատվիրակությունը դա չի արել»,-ասել է գործակալության զրուցակիցը: Սլուցկին իր հերթին նշել է, որ ՌԴ-ն կվերադառնա Ստրասբուրգ միայն իրավահավասարության պայմանով և ռուսական պատվիրակության բոլոր լիազորությունների վերականգնման դեպքում: «Ինչպես հայտարարել է Պետդումայի խոսնակ Սերգեյ Նարիշկինը, մենք խտրականություն չենք հանդուրժի և ցանկացած պատժամիջոց ՌԴ պատվիրակության հանդեպ անընդունելի է»,-ասել է Սլուցկին: 2014-ի ապրիլին ԵԽԽՎ-ում ՌԴ պատվիրակությունը զրկվեց լիազորություններից Ուկրանայի իրադարձությունների և ՌԴ հետ Ղրիմի վերամիավորման պատճառով: 2015-ին Վեհաժողովը երկու անգամ քննարկել է ՌԴ պատվիրակության լիազորությունների վերականգնման հարցը, սակայն պատժամիջոցները դեռ գործում են. Ռուսաստանը զրկված է ձայնի իրավունքից, ինչպես նաև ղեկավար մարմինների աշխատանքին մասնակցելուց: Ի պատասխան Ռուսաստանը հայտարարեց, որ կասեցնում է իր մասնակցությունը ԵԽԽՎ աշխատանքին մինչև 2015-ի ավարտը: ԵԽԽՎ ձմեռային նստաշրջանն անցելու է Ստրասբուրգում 2016-ի հունվարի 25-29-ը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ՄԱԿ հանձնաժողովը մտահոգված է Բաքվի կողմից հայերի արտադատական սպանություններով, խոշտանգումներով և հետաքննության բացակայությամբ Նաև մտահոգություն է արտահայտվում հայ 23 անձի շարունակվող կալանավորման առնչությամբ Փաշինյանը մեկնել է Դանիա Նա կմասնակցի «Առաջնագծից․ Հայաստանի ժողովրդավարության պաշտպանությունը» թեմայով քննարկմանը Բաքվում ԱՄՆ դեսպանատուն․ Սատարում ենք Ադրբեջանի և ՀՀ ղեկավարներին և աջակցություն առաջարկում խաղաղության հասնելու գործում Կոչ է արվում պահպանել այդ դինամիկան և համաձայնագիր ստորագրել «նախորդ բանակցությունների հիման վրա» Երևանը կհյուրընկալի կարատեի Եվրոպայի 2025-ի մեծահասակների առաջնությունը 2027-ին Եվրոպայի կարատեի պատանիների, երիտասարդների առաջնությունը ևս կանցնի Հայաստանում |