Անկարան համաձայն է Նիկոսիան հունական եւ թուրքական մասերի բաժանող պատի ապամոնտաժմանը15 մարտի 2007 - 15:41 AMT PanARMENIAN.Net - Անկարան հայտարարել է ինքնահռչակ Հյուսիսային Կիպրոսի թուրքական հանրապետության իշխանությունների հետ իր համերաշխության մասին շուրջ 40 տարի Նիկոսիան թուրքական եւ հունական մասերի բաժանող պատի ապամոնտաժման հարցում: Թուրքական ԱԳՆ ներկայացուցիչ Լեվենտ Բիլմանը նշել է, որ Թուրքիան կիսում է այն դիրքորոշումը, որն այդ հարցում որդեգրել է Հյուսիսային Կիպրոսի նախագահը: Այդ մասին նա չորեքշաբթի օրը ճեպազրույցի ժամանակ հայտարարել է Անկարայում: «Հյուսիսային Կիպրոսը դեռեւս 2005 թվականին է ապամոնտաժել արգելապատնեշները եւ անցակետերը իր մասում եւ կոչ էր արել հունակիպրոսյան վարչակազմին երկկողմանիորեն բացել սահմանը: Երկու տարի անց հունակիպրոսյան իշխանությունները վերջապես քանդեցին իրենց կողմի պատը: Հյուսիսաին Կիպրոսի նախագահ Մեհմետ Ալի Թալաթն ուշացած, սակայն դրական անվանեց այդ որոշումը, եւ Թուրքիան կիսում է այդ դիրքորոշումը»,-ընդգծել է թուրք դիվանագետը: Մարտի 9-ին Կիպրոսի Հանրապետության իշխանությունները հանձնարարել են սկսել մայրաքաղաք Նիկոսիան հունական եւ թուրքական մասերի բաժանող պատի ապամոնտաժումը: Շատերի համար այդ ակցիան անսպասելի էր, քանի որ որեւէ հայտարարություն տեղական իշխանությունները չին արել: Արտաքին քաղաքականության եւ անվտանգության գծով Եվրամիության գերագույն ներկայացուցիչ Խավյեր Սոլանան անիրական անվանեց հաղորդագրությունները Կիպրոսի մայրաքաղաքը բաժանող պատի ապամոնտաժումը սկսելու վերաբերյալ: Հիշեցնենք, որ Նիկոսիան գտնվում է Կիպրոսի Հանրապետության եւ ինքնահռչակ Հյուսիսային Կիպրոսի թուրքական հանրապետության կողմից վերահսկվող տարածքների սահմանագծում, այն դեպքում երբ չճանաչված «թուրքական» Կիպրոսի բնակիչները Եվրամիությունից դուրս են: Կղզու հյուսիսային մասի համար գործում է նաեւ միջազգային էմբարգոն, հաղորդում է ՌԻԱ «Նովոստին»: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ՄԱԿ հանձնաժողովը մտահոգված է Բաքվի կողմից հայերի արտադատական սպանություններով, խոշտանգումներով և հետաքննության բացակայությամբ Նաև մտահոգություն է արտահայտվում հայ 23 անձի շարունակվող կալանավորման առնչությամբ Փաշինյանը մեկնել է Դանիա Նա կմասնակցի «Առաջնագծից․ Հայաստանի ժողովրդավարության պաշտպանությունը» թեմայով քննարկմանը Բաքվում ԱՄՆ դեսպանատուն․ Սատարում ենք Ադրբեջանի և ՀՀ ղեկավարներին և աջակցություն առաջարկում խաղաղության հասնելու գործում Կոչ է արվում պահպանել այդ դինամիկան և համաձայնագիր ստորագրել «նախորդ բանակցությունների հիման վրա» Երևանը կհյուրընկալի կարատեի Եվրոպայի 2025-ի մեծահասակների առաջնությունը 2027-ին Եվրոպայի կարատեի պատանիների, երիտասարդների առաջնությունը ևս կանցնի Հայաստանում |