  ՂԱՐԱԲԱՂՅԱՆ ՀԱԿԱՄԱՐՏՈՒԹՅԱՆ ԿԱՐԳԱՎՈՐՈՒՄԸ ՀՆԱՐԱՎՈՐ Է ՄԻԱՅՆ ՓՈԽԶԻՋՈՒՄՆԵՐԻ ՊԱՅՄԱՆՈՎ, ԿԱՐԾՈՒՄ ԵՆ ՀԱՅԱՍՏԱՆԻ ԵՎ ԲՈՒԼՂԱՐԻԱՅԻ ՊԱՇՏՊԱՆՈՒԹՅԱՆ ՆԱԽԱՐԱՐՆԵՐԸ31 հոկտեմբերի 2002 - 21:49 AMT PanARMENIAN.Net - Լեռնային Ղարաբաղի հակամարտության կարգավորումը հնարավոր է միայն փոխզիջումների պայմանով: Այդ մասին հայտարարել են Հայաստանի եւ Բուլղարիայի պաշտպանության նախարարներ Սերժ Սարգսյանն ու Նիկոլայ Սվինարովը նախօրեին Սոֆիայում կայացած բանակցություններից հետո: «Նովոստի» գործակալության հաղորդագրության համաձայն, Սերժ Սարգսյանն ընդգծել է, որ Հայաստանը հանդես է գալիս հօգուտ Լեռնային Ղարաբաղի խնդրի խաղաղ կարգավորման` փոխզիջումների, գործուն քաղաքական բանակցությունների, մասնավորապես Հայաստանի եւ Ադրբեջանի նախագահների երկխոսության, ինչպես նաեւ ԵԱՀԿ Մինսկի խմբի միջնորդական առաքելության հիման վրա: «Այդ խնդրի նկատմամբ Երեւանի դիրքորոշումը չի նախատեսում կարգավորում պաշտպանության նախարարության մասնակցությամբ», - ընդգծել է Հայաստանի պաշտպանության նախարարը: Նիկոլայ Սվինարովի խոսքերով, Բուլղարիան, որպես ՄԱԿ-ի Անվտանգության խորհրդի ոչ մշտական անդամ, պատրաստ է համակողմանի աջակցություն ցույց տալ խնդրի խաղաղ կարգավորմանը: Տարածաշրջանային թեմաներից եւ ՆԱՏՕ-ի «Գործընկերություն հանուն խաղաղության» ծրագրին Հայաստանի եւ Բուլղարիայի մասնակցությունից բացի պաշտպանության նախարարները քննարկել են երկկողմ ռազմական եւ ռազմատեխնիկական կապերին առնչվող հարցեր: Նախարարությունների ներկայացուցիչները ստորագրել են 2002-2003 թվականների Հայաստանի եւ Բուլղարիայի ռազմական գերատեսչությունների համագործակցության ծրագիրը:  Ուշագրավ Նշվում է, որ հատկապես վերջին օրերին տարածված կեղծիքին պետք է պատասխանել Ըստ ադրբեջանական ԶԼՄ–ների, «համարժեք պատասխան միջոցներ են ձեռնարկվել» Վարույթ իրականացնող մարմինն այլևս չի կարծում, որ պետությանը պատճառվել է վնաս Փաշինյանը շնորհակալություն է հայտնել   Ամենաընթերցվողը բաժնում |  Վերջին լուրեր Amnesty International-ը կոչ է արել ՀՀ իշխանություններին անհապաղ հետաքննել հունիսի 12-ի բռնությունները  «Երևանում վերջին փողոցային ակցիայի ժամանակ բռնությունների մակարդակը խորը տագնապ է առաջացնում»,–ասել է կառույցի ներկայացուցիչըԲագրատ սրբազան․ Ապրում ենք իրավական ամենաթողության մեջ Նա նշել է, որ իրավապահ ամբողջ համակարգը դարձել է «իշխանության աթոռները պահող, ծառա»Հայկակ Արշամյան․ 2023–ին «Հայաստան» հիմնադրամին փոխանցումը կազմել է 7 մլրդ դրամ, 60 ծրագիր է արվել 2 նոր բազմաբնակարան շենք է կառուցվել Գյումրիում, 14 առանձնատուն՝ Լեռնագոգում, 6–ը՝ Ներքին ԽնձորեսկումԵրևանում կտեղադրվի 930 բեռնարկղ 4 տեսակի թափոնների համար Նոր թափոնամանները բավարար կլինեն ապակին, պլաստիկը, թուղթն ու այլումինը տեսակավորելու համար |
