 Հալեպի գնդակոծումը սաստկանում է. 15 զոհ կա, 150 վիրավոր 29 հոկտեմբերի 2016 - 12:06 AMT PanARMENIAN.Net - Գրոհայինները բազմակի անգամ սաստկացրել են Հալեպի բնակելի թաղամասերի գնդակոծությունը, մեկ օրում 15 մարդ է զոհվել, 150-ը` վիրավորվել: Այդ մասին հայտնել են Սիրիայում գործող Հակամարտ կողմերի հաշտեցման ռուսական կենտրոնում: Ըստ զինվորականների, քաղաքի ուղղությամբ արձակվել է ավելի քան 100 ական: «Ընդհանուր առմամբ վերջին 24 ժամում Հալեպում 15 խաղաղ բնակիչ է զոհվել, ավելի քան 150-ը վիրավորվել է: Նրանք հիմնականում ստացել են ոտքերի ձեռքերի, որովայնի բեկորային վնասվածքներ»,-ասել են Կենտրոնում, հայտնում է ՌԻԱ Նովոստին: Հոկտեմբերի 28-ին գնդակոծվել է Հալեպի 8 շրջան: Գրոհայինները օգտագործում են պայթուցիկով լցոնված գազի բալոններ, ինքնաշեն ականներ և անկառավարելի ականներ: Գրոհայինները ձգտում են որքան հնարավոր է մեծ վնաս հասցնել դպրոցներին, հիվանդանոցներին և սոցիալական օբյեկտներին: Հոկտեմբերի 11-ից ի վեր Սիրիայում գրոհի է ենթարկվել 5 դպրոց: Այդ մասին հայտարարել է ՅՈՒՆԻՍԵՖ-ի գործադիր տնօրեն Անթոնի Լեյքը: Հոկտեմբերի 23-ին կառավարական զորքերը հարձակման էին անցել Հալեպի հարավում եռօրյա հումանիտար դադարի ավարտից հետո, որի ընթացքում խաղաղ բնակիչներն ու զինյալները կարող էին հեռանալ քաղաքից: Ահաբեկիչները հրաժարվել են հեռանալ քաղաքից և սպառնալիքներով թույլ չեն տվել դա անել նաև խաղաղ բնակիչներին: 2011-ի մարտից շարունակվող քաղաքացիական պատերազմի հետևանքով Սիրիայում ավելի քան 220.000 մարդ է զոհվել:  Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   Ամենաընթերցվողը բաժնում |  Վերջին լուրեր ՄԱԿ հանձնաժողովը մտահոգված է Բաքվի կողմից հայերի արտադատական սպանություններով, խոշտանգումներով և հետաքննության բացակայությամբ  Նաև մտահոգություն է արտահայտվում հայ 23 անձի շարունակվող կալանավորման առնչությամբՓաշինյանը մեկնել է Դանիա Նա կմասնակցի «Առաջնագծից․ Հայաստանի ժողովրդավարության պաշտպանությունը» թեմայով քննարկմանըԲաքվում ԱՄՆ դեսպանատուն․ Սատարում ենք Ադրբեջանի և ՀՀ ղեկավարներին և աջակցություն առաջարկում խաղաղության հասնելու գործում Կոչ է արվում պահպանել այդ դինամիկան և համաձայնագիր ստորագրել «նախորդ բանակցությունների հիման վրա»Երևանը կհյուրընկալի կարատեի Եվրոպայի 2025-ի մեծահասակների առաջնությունը 2027-ին Եվրոպայի կարատեի պատանիների, երիտասարդների առաջնությունը ևս կանցնի Հայաստանում |
