«Պուտինը, Թրամփն ու Էրդողանը շրջափակել են ԵՄ-ն». ԵԽ խմբակցությունները՝ Թուրքիայի հետ բանակցությունների սառեցման մասին23 նոյեմբերի 2016 - 13:52 AMT PanARMENIAN.Net - Նոյեմբերի 22-ին Եվրախորհրդարանում (ԵԽ) քննարկման է դրվել Թուրքիայի ներքին քաղաքական զարգացումների և եվրաինտեգրման գոծընթացի դադարեցման հարցը: Թուրքական Habertürk.com-ին հղումով Ermenihaber.am-ը գրում է, որ ԵՄ արտաքին հարաբերությունների և անվտանգության հարցերով բարձրագույն ներկայացուցիչ Ֆեդերիկա Մոգերինին իր ելույթում նախ անդրադարձել է հուլիսի 15-ի հեղաշրջման փորձին, ապա նշել, որ բանակցությունների դադարեցումը կամ սառեցումը երկու կողմի համար էլ իր բացասական հետևանքները կունենա: «Թուրքիան և Եվրամիությունը մի շարք կարևոր հարցերում կարող են գործակցել: Կիպրոսի, Սիրիայի, էներգետիկայի ոլորտում մեր գործակցությունը շատ կարևոր է»,- նշել է Մոգերինին: ԵՄ ներկայացուցիչը հավելել է, որ Եվրամիությունը, ամեն դեպքում, միշտ պատրաստ է աջակցել սահմանադրական փոփոխությունների փուլում գտնվող Թուրքիային: Նա նշել է նաև, որ հատկապես ահաբեկչության դեմ պայքարի, սիրիական հարցի, կովկասյան տարածաշրջանում կայունությանն առնչվող հարցերում ԵՄ-ն և Թուրքիան մշտական երկխոսություն վարելու կարիք ունեն: ԵԽ-ի ամենամեծ քաղաքակն խմբակցության՝ Եվրոպայի ժողովրդական կուսակցության (EPP) նախագահ Մանֆրեդ Վեբերը կարծիք է հայտնել, որ ԵՄ-ն ու Թուրքիան գտնվում են ճամփաբաժանի վրա: Անդրադառնալով վերջին օրերին հաճախակի քննարկվող Շանհայի հնգյակին Թուրքիայի հնարավոր անդամակցության հարցին՝ Վեբերը զարմանալի է համարել այն, որ Թուրքիան կարող է ընտրել Չինաստանին ու Ռուսաստանին: ԵԽ-ի սոցիալ-դեմոկրատական խմբակցության(S&D) նախագահ Ջիաննի Պիտելլան հայտարարել է, որ իրենք դեռ դրական են վերաբերվում Թուրքիայի եվրաինտեգրմանը, սակայն պարտավոր են քննադատաբար մոտենալ վերջին շրջանի ձերբակալությունների, բանտարկությունների ու աշխատանքից հեռացման դեպքերին: «Երբեք չէի մտածել, որ սոցիալ-դեմոկրատները մի օր բանակցությունների դադարեցման բանաձևին կարող են «այո» ասել: Սակայն դեպքերի զարգացումները դա են պարտադրում: Ես կողմ եմ սառեցմանը, սակայն ժամանակավոր կերպով: Երկխոսության հնարավորությունը պետք է պահպանել»,- ասել է նա: Եվրոպայի կոնսերվատորներ և ռեֆորմիստներ (ECR) խմբակցության նախագահ Սյեդ Քեմալը նշել է, որ Թուրքիայի հետ հարաբերությունները պետք է նոր ձևաչափով զարգացնել և պարտադիր չէ, որ դա լինի ԵՄ անդամակցության ձևով: Լիբերալ-դեմոկրատական խմբակցության (ALDE) նախագահ Գույ Ֆերհոֆշթադը կարծիք է հայտնել, որ իշխանությունն իրենց ձեռքում կենտրոնացրած Պուտինը, Թրամփն ու Էրդողանը շրջափակել են Եվրամիությունն ու սպառնում են ԵՄ մոդելին: «Կանաչների» կուսակցության համանախագահ Ռեբեկա Հարմսը նշել է, որ պետք է զարգացնել երկխոսությունը Թուրքիայի հետ և հոգ տանել, որպեսզի այդ երկիրը հավատարիմ մնա ժողովրդավարության սկզբունքներին: ԵՄ շվեդ անդամ Բոդիլ Վալերոնն էլ ուշադրություն է հրավիրել այն փաստի վրա, որ Թուրքիան գաղթականների խնդիրը օգտագործում է որպես շանտաժի միջոց: Նիստի ավարտին հայտարարվել է, որ ԵԽ քաղաքական խմբակցությունները ներկայացրել են բանաձևի 6 տարբեր նախագիծ: Դրանք կքննարկվեն և կմիավորվեն մեկ ընդհանուր փաստաթղթի մեջ: Թուրքիայի հետ բանակցությունների դադարեցման նախագիծը քվեարկության կդրվի նոյեմբերի 23-ին:ԵԽ-ի սոցիալիստ պատգամավորների կողմից ներկայացված բանաձևն արդեն իսկ արժանացել է լիբերալների աջակցությանը: Այդ պատճառով մեծ է հավանականությունը, որ այն կհաստատվի: Մյուս կողմից քաղաքական շրջանակներում պտտվում է այն կարծիքը, որ նույնիսկ հաստատվելու դեպքում վերոնշյալ բանաձևը իրավական պարտադրող ուժ չի ունենա և կկրի սիմվոլիկ բնույթ: Կարդացեք նաև՝ՇՀԿ-ն Թուրքիայի հնարավոր անդամակցության մասին. Չենք շտապում ընդլայնվել Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |