Foreign Policy. Նախագահի հրաժարականի դեպքում Մեհրիբան Ալիևան կարող է ժառանգել իշխանությունը10 մարտի 2017 - 15:47 AMT PanARMENIAN.Net - Առնվազն 14 խղճի բանտարկյալների հայրենիք Ադրբեջանը ներկայումս ղեկավարվում է նախագահական զույգի կողմից: Այդ մասին գրել է ամերիկյան հեղինակավոր Foreign Policy պարբերականը՝ քննադատելով Մեհրիբան Ալիևայի մասին The Washington Times-ի հոդվածը: The Washington Times-ն ավելի վաղ հրապարակել էր «Ադրբեջանի բարի կինը» (The Kind Lady of Azerbaijan) վերնագրված հոդվածը, որտեղ պնդում կա, թե Ալիևային փոխնախագահ նշանակելը «մեծ առաջընթաց է, քանի որ կինը իշխանության է գալիս մահմեդական երկրում»: Նշելով, որ վերջերս այդ երկրի նախագահ Իլհամ Ալիևը իր կնոջը նշանակել է փոխնախագահ, հոդվածագիրը շարունակում է․«Նախագահի հրաժարականի դեպքում հնարավոր է հենց Մեհրիբան Ալիևան ժառանգի իշխանությունը, ինչպես ժամանակին Ալիևն է հորից ժառանգել: Այդպիսով, երկիրը վերածվել է ընտանեկան բիզնեսի», հայտնում է «Ազատություն» ռադիոկայանը: Հակադարձելով The Washington Times-ին՝ Foreign Policy-ին գրում է, որ այն հանգամանքը, որ կինը իշխանության է գալիս մահմեդական երկրում, չի կարող արդարացնել կնոջն իր ժառանգորդը դարձնելու նախագահի որոշումը: Հեղինակավոր պարբերականը պարզաբանել է, որ այդ հոդվածը գրել է Caspian Group Holding-ի գործադիր տնօրեն Ռոբ Սոբխանին: Նշվում է, որ ամերիկյան այդ ընկերությունը բիզնես շահեր ունի աշխարհի տարբեր երկրներում: Ըստ Ադրբեջանի սահմանադրության, առաջին փոխնախագահը ստանձնում է նախագահի լիազորությունները, եթե նա չի կարող կատարել իր պարտականությունները: Foreign Policy-իի հրապարակման հեղինակ Էմիլի Տամկինը հիշեցրել է, որ 1990-ականներին Սոբխանին կարևոր դերակատարություն է ունեցել Ադրբեջանի նավթային նախագծերի շուրջ բանակցային գործընթացներում և բազմիցս գովաբանել է Իլհամ Ալիևի քաղաքականությունը՝ հայտարարելով, թե նա «բարելավել է Ադրբեջանի միջազգային հեղինակությունը»: Փետրվարի 21-ին Ադրբեջանի նախագահ Իլհամ Ալիևը կնոջը՝ Մեհրիբան Ալիևային նշանակել է հանրապետության առաջին փոխնախագահ: 2016-ի սեպտեմբերի 26-ին Ադրբեջանում սահմանադրական բարեփոխումների վերաբերյալ հանրաքվե անցկացվեց: Ուղղումները նախատեսում են նախագահի պաշտոնավարման ժամկետի երկարացում 5-ից մինչև 7 տարի, փոխնախագահների պաշտոնների ավելացում, նախագահի պաշտոնին հավակնող թեկնածուի տարիքային սահմանափակման նվազեցում: Հանրաքվեում փոփոխություններին կողմ է քվեարկել ընտրողների 88,5%-ը: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել ՀՀ նախագահն ԱՄՆ-ում հանդիպել է կուսակցությունների ներկայացուցիչների հետ Նա մանրամասներ է հայտնել Հայաստանի և Ադրբեջանի միջև ընթացքող սահմանազատման գործընթացի վերաբերյալ Սամվել Բաբայան․ Նիկոլին սարքել եք անփոխարինելի, փողոցից ում էլ բռնեն՝ իրենից վատ վարչապետ չի լինի, թող հրաժարական տա Նա ասել է, որ պետք է գնալ նոր ընտրությունների Միրզոյանն ու Բայրամովը ողջունել են առաջընթացը սահմանազատման հարցում և պայմանավորվել շարունակել բանակցությունները Բանակցությունները կշարունակվեն բաց հարցերի շուրջ, որտեղ դեռ կան տարաձայնություններ |