Թրամփն ու Էրդողանը կոչ են արել պատասխանատվության ենթարկել Ասադին քիմզենքի համար18 ապրիլի 2017 - 12:27 AMT PanARMENIAN.Net - ԱՄՆ և Թուրքիայի նախագահներ Դոնալդ Թրամփն ու Ռեջեփ Թայիփ Էրդողանը հեռախոսազրույցում քննարկել են իրավիճակը Սիրիայում: Թրամփը շնորհակալություն է հայտնել «սիրիական ռեժիմի կողմից քիմզենքի օգտագործմանը ԱՄՆ պատասխան գործողություններին սատարելու համար»: Նախագահները կարևորել են «Սիրիայի նախագահ Բաշար Ասադին պատասխանատվության ենթարկելու հարցը»,-հայտնում է BBC-ին: Թրամփը նաև շնորհավորել է Էրդողանին ապրիլի 16-ի հանրաքվեի արդյունքների կապակցությամբ, որով անցում է կատարվում նախագահական կառավարման, գրում է «Կոմերսանտը»: Ավելի վաղ Թուրքիայի նախագահ Ռեջեփ Թայիփ Էրդողանը դրական էր գնահատել ԱՄՆ հրթիռային հարվածը սիրիական ավիաբազային Հոմսում՝ նշելով, որ հարկավոր են լրացուցիչ քայլեր հակազդելու համար Սիրիայի ռեժիմին: Ապրիլի լույս 7-ի գիշերը ԱՄՆ-ն 59 թևավոր հրթիռ է արձակել Հոմսի տարածաշրջանում տեղակայված սիրիական կառավարական ուժերի ռազմաբազային: ՌԴ նախագահ Վլադիմիր Պուտինն ԱՄՆ հարվածները Սիրիայի տարածքին ագրեսիա է համարել ինքնիշխան պետության դեմ և միջազգային իրավունքի նորմերի խախտում մտացածին պատրվակով:ՌԴ ՊՆ-ն ապրիլի 8-ից դադարեցրել է ԱՄՆ պաշտպանության նախարարության հետ կապի թեժ գծի աշխատանքը: 2017-ի ապրիլի 4-ին քիմիական հարձակում է տեղի ունեցել սիրիական Իդլիբ նահանգի Հան Շայխուն քաղաքում, որը գտնվում է ընդդիմադիր ուժերի տիրապետության տակ: Քիմիական հարձակման հետևանքով զոհվել և վիրավորվել են տասնյակ խաղաղ բնակիչներ, այդ թվում երեխաներ և մարդասիրական օգնության աշխատակիցներ: Տեղի բնակիչների պնդմամբ՝ հարձակումն իրականացվել է Սիրիայի կառավարական ուժերի ռազմական օդանավերից մեկով: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Կիպրոսը ողջունել է ՀՀ և Ադրբեջանի կողմից Ալմաթիի հռչակագիրը որպես սահմանազատման հիմք ընդունելը Այդ մասին ասվում է Կիպրոսի Արտաքին գործերի նախարարության հայտարարության մեջ «Ուրալի» վթարի գործով կալանավորվել է զորամասի 2 պաշտոնյա. Մեղադրվում է նաև վարորդը Պարզվել է, որ ավտոմեքենայի ուժակուտակիչ մարտկոցները եղել են ոչ պիտանի ՄԻՊ. Անձանց բերման ենթարկելիս որոշ դեպքերում կիրառված ֆիզիկական ուժն առերևույթ անհամաչափ էր Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Մեկնարկել են Երևան-Նիցցա թռիչքները Չվերթերը կիրականացվեն շաբաթական 2 անգամ |