Վ.Կազիմիրով. Վիճաբանությունը ղարաբաղյան կարգավորման փուլային կամ փաթեթային մեթոդի մասին կորցրել է նախկին նշանակությունը29 հոկտեմբերի 2007 - 16:50 AMT PanARMENIAN.Net - «Տարածքներ կարգավիճակի դիմաց» բանաձեւը հավասարակշռված չէ, այն «հաղաթողի կամայականության» տպավորություն է թողնում, նրա հիմքում ուժերի վերջին փորձն է: Սակայն չի կարելի նրա հետ նույն հարթության վրա դնել ռեվանշի կոչերը, ինչպես դա անում են Բաքվում»,-գտնում է 1992-1994 թթ. Լեռնային Ղարաբաղի գծով Ռուսաստանի միջնորդական առաքելության ղեկավար, դեսպան Վլադիմիր Կազիմիրովը: Նրա խոսքերով, «այդ բանաձեւը, ի տարբերություն ռեվանշիստական կոչերի, վերաբերում է ոչ թե «ապագա», այլ արդեն ավարտված պատերազմին (զոհերին ետ չես բերի, իսկ ռեվանշը շատ նոր զոհեր կբերեր, ընդ որում անորոշ ավարտով)»: «Այլ է` «տարածքներ անվտանգության դիմաց» առավել համեստ ձեւակերպումը, որն արտահայտում է ԼՂ-ի եւ ԱՀ մերձակա շրջանների բնակչության կենսական շահերի բալանսը: Դա ավելի արդարացի է: Բոլոր կողմերը շահած կլինեին ի տարբերություն ներկա իրավիճակի` յուրաքանչյուրը յուրովի: Բանալին այստեղ համընդհանուր անվտանգության հուսալիության աստիճանն է, իրենց պարտավորություններին կողմերի հավատարմությունը»,-նշել է ռուս դիվանագետը: Վլադիմիր Կազիմիրովն ընդգծել է նաեւ, որ վիճաբանությունը ղարաբաղյան կարգավորման փուլային կամ փաթեթային մեթոդի մասին կորցրել է նախկին նշանակությունը` միջնորդներն ու կողմերն ըստ էության ընտրել են խառը տարբերակը ինչպես փուլային, այնպես էլ փաթեթային լուծման տարրերով: «Սակայն այժմ փաթեթում ոչ թե ԼՂ վերջնական կարգավիճակն է, այլ միայն նրա որոշման կարգը` ժողովրդի կամքի արտահայտությամբ: Հայերը հնարավոր են համարում սկզբնական փուլում դուրս գալ ԼՂ մերձակա 5 շրջաններից մինչեւ նրա կարգավիճակի ամբողջական որոշումը: Բոլոր կողմերը համաձայն են այն կետերի փուլային կատարմանը, որոնց շուրջ հնարավոր կլինի պայմանավորվել: Իրավիճակը կարող էր լիցքաթափել համաձայնագիրը` անցումային շրջանում ԼՂ ժամանակավոր կարգավիճակի մասին, քանի դեռ շարունակվում են բանակցությունները եւ իրականացվում են դրանց ընթացքում համաձայնեցված միջոցները: Պաշտոնական Բաքուն, ի տարբերություն ադրբեջացնի քաղաքագետների, իմաստ չի տեսնում դրանում: Թեեւ «ԼՂ ժամանակավոր կարգավիճակն» անխուսափելի է եւ արդեն առկա է առանց համաձայնեցման` եթե ոչ դե-յուրե, ապա դե-ֆակտո»,-գրում է Կազիմիրովը «Ռուսաստանը գլոբալ քաղաքականության մեջ» ամսագրի «Կա՞ արդյոք ելք Ղարաբաղի փակուղուց» հոդվածում: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |