Մ-21 հավաքականի մարզիչ. 35-40 ֆուտբոլիստի ցուցակ ունենք, որոնց հետևում ենք 14 հունիսի 2017 - 11:50 AMT PanARMENIAN.Net - Մոտ 35-40 ֆուտբոլիստի ցուցակ կա, որոնք կարող են Մ21 հավաքական հրավիրվել: Այս մասին Եվրոպայի 2019 թվականի Մ-21 առաջնության Ջիբրալթար-Հայաստան ընտրական հանդիպումից հետո հայտնել է Հայաստանի Մ-21 հավաքականի գլխավոր մարզիչ Արթուր Ոսկանյանը: Հունիսի 13-ին Պորտուգալիայի Ֆարո քաղաքի «Ալգարվե» մարզադաշտում կայացավ Եվրոպայի մինչև 21 տարեկանների 2019 թ. առաջնության ընտրական փուլի 7-րդ խմբի հանդիպումը Ջիբրալթարի և Հայաստանի Մ-21 հավաքականների միջև: 9-րդ րոպեին Նարեկ Պետրոսյանն առաջ մղեց Հայաստանի հավաքականին, իսկ 74-րդ րոպեին Ալիկ Առաքելյանը կրկնապատկեց հաշիվը` 0:2: 85-րդ րոպեին Պետրոս Ավետիսյանը ձևակերպեց վերջնահաշիվը՝ 0:3: Այսպիսով, Հայաստանի Մ-21 հավաքականհը ջախջախիչ հաղթանակով մեկնարկեց Եվրոպայի Մ-21 2019 թ. առաջնության ընտրական փուլում: «Արտեկրում կան ֆուտբոլիստներ, որոնց արդեն այս հավաքի ժամանակ հրավիրել էինք թիմ, կան ֆուտբոլիստներ, որոնց հետևում ենք, ինչպես նաև հրավիրվելու են Հայաստանի առաջնությունում հանդես եկող խաղացողներ։ Մենք ունենք մոտ 35-40 ֆուտբոլիստների ցուցակ, որոնց անընդհատ հետևում ենք և բացառված չէ, որ նրանցից ոմանք կհրավիրվեն հաջորդ խաղին», - ասել է մարզիչը, հայտնում է ՀՀ ֆուտբոլի ֆեդերացիան: «Սպասում էինք, որ դժվար խաղ է լինելու, քանի որ ուսումնասիրել էինք Ջիբրալթարի հավաքականին Ավստրիայի հետ խաղում։ Ամբողջ թիմով պաշտպանվում էին և ազատ գոտիներ չէին թողնում։ Ըստ այդմ, տղաներին ասել էինք, որ համբերատար լինեն, սպասեն հարմար պահերի և օգտվեն դրանցից։ Շատ լավ է, որ կարողացան արագ գոլ խփել և վստահ անցկացրեցին հանդիպումը։ Իհարկե սխալներ և բացթողումներ եղան, բայց դա ժամանակի հարց է, նոր թիմ է ստեղծվել, և ժամանակի ընթացքում այդ ամենը կուղղենք», - ասել է մարզիչը: Ոսկանյանի խոսքով, Ռուսաստանի հավաքականի հետ խաղին դեռ երկար ժամանակ կա, և նախապատրաստական փուլը մեծապես կախված է տղաների մարզավիճակից, և այն հանգամանքից, թե որ թիմերում են խաղալու։ «Բոլոր դեպքերում լրջորեն մոտենալու ենք այդ խաղին, քանի որ Ռուսաստանի հավաքականը շատ ուժեղ է և ամեն ինչ անելու ենք հաղթանակի համար»։, - հավելել է մարզիչը:   Ուշագրավ Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա   |  Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են  Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինըԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |
