  ԵՄ-ն հավանություն է տվել հաջորդ շաբաթ Կոսովո դատա-ոստիկանական առաքելության գործուղմանը16 փետրվարի 2008 - 15:12 AMT PanARMENIAN.Net - Եվրամիությունը հավանություն է տվել հաջորդ շաբաթ դատա-ոստիկանական առաքելության գործուղմանը Կոսովո, որը պատրաստվում է անկախություն հռչակել: Շուրջ 2 հազար ոստիկաններից եւ դատական մարմինների աշխատակիցներից կազմված առաքելությունը կտեղակայվի Կոսովոյում հաջորդ շաբաթ: ԵՄ երկրներից Կոսովո գործուղվող ոստիկանների, մաքսայինների, դատախազների եւ դատավորների խնդիրը կլինի թույլ չտալ, որ խախտվեն մարդու իրավունքները եւ վերահսկել, որ երկրամասի իշխանության դեռեւս խախուտ ինստիտուտների հանդեպ քաղաքական ճնշում չկիրառվի: ԵՄ առաքելությունը, մասնավորապես, հնարավարություն կունենա հետեւել կաշառակերության, կազմակերպված հանցավորության եւ ռազմական հանցագործությունների մասին գործերի վարույթին: Այն ձեւավորվել է ԵՄ բոլոր երկրների ներկայացուցիչներից, բացառությամբ Մալթայի: Բոլորից շատ իր քաղաքացիներին Կոսովո է գործուղում Գերմանիան եւ Իտալիան: Բացի այդ, պատվիրակությանը կմիանան ԵՄ-ին չանդամակցող այնպիսի երկրների ներկայացուցիչները, ինչպիսիք են ԱՄՆ-ն, Թուրքիան եւ Խորվաթիան: «ԵՄ որոշումը պարզ ազդակ է Սերբիայի եւ Ռուսաստանի համար, որոնք ապօրինի են համարում Կոսովոյի անկախության հռչակումը եւ երկրամասում Եվրամիության առաքելության ներկայությունը»,-նշում է BBC-ին: Հիշեցնենք, որ ԱՄՆ-ն եւ Եվրամիության երկրների մեծամասնությունը պատրաստ են անհապաղ ճանաչել Կոսովոյի անկախությունը: Սերբիան, Ռուսաստանը, ինչպես նաեւ ԵՄ անդամ Կիպրոսը կտրականապես դեմ են այդ որոշմանը:   Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   Ամենաընթերցվողը բաժնում |  Բաժիններ թեմայով Սյուժե Վերջին լուրեր ՄԱԿ հանձնաժողովը մտահոգված է Բաքվի կողմից հայերի արտադատական սպանություններով, խոշտանգումներով և հետաքննության բացակայությամբ  Նաև մտահոգություն է արտահայտվում հայ 23 անձի շարունակվող կալանավորման առնչությամբՓաշինյանը մեկնել է Դանիա Նա կմասնակցի «Առաջնագծից․ Հայաստանի ժողովրդավարության պաշտպանությունը» թեմայով քննարկմանըԲաքվում ԱՄՆ դեսպանատուն․ Սատարում ենք Ադրբեջանի և ՀՀ ղեկավարներին և աջակցություն առաջարկում խաղաղության հասնելու գործում Կոչ է արվում պահպանել այդ դինամիկան և համաձայնագիր ստորագրել «նախորդ բանակցությունների հիման վրա»Երևանը կհյուրընկալի կարատեի Եվրոպայի 2025-ի մեծահասակների առաջնությունը 2027-ին Եվրոպայի կարատեի պատանիների, երիտասարդների առաջնությունը ևս կանցնի Հայաստանում |
