Թուրքիան առաջինն է Twitter-ից գրառումների հեռացման պահանջների թվով13 նոյեմբերի 2017 - 12:07 AMT PanARMENIAN.Net - 2017 թվականի հունվար-հունիս ամիսներին Twitter-ից բովանդակության հեռացման պահանջների թվով Թուրքիան առաջին հորիզոնականն է զբաղեցրել աշխարհում: Ընկերության զեկույցի համաձայն, երկրից ներկայացված պահանջների ընդհանուր թիվը կազմել է 2710, ինչն ամբողջ աշխարհից ներկայացված պահանջների գրեթե կեսն է: Ընդ որում, բողոքներից 1995-ը ներկայացվել է պետական և իրավապահ մարմինների կողմից: Նույն ժամանակահատվածում այս երկրում բողոքարկվել է 9289 թվիթերյան հաշիվ: Համաձայն զեկույցի, 1213 հայտով երկրորդ տեղում Ռուսասատնն է, երրորդում՝ Ֆրանսիան՝ 1039 հայտով, և չորրորդում՝ Գերմանիան՝ 443 հայտով: Այս չորս երկրից միասին Twitter-ին ներկայացված բովանդակության հեռացման պահանջների թիվը կազմում է հայտերի ընդհանուր թվի մոտ 90%-ը: Ընթացիկ տարում սոցիալական ցանցին նման պահանջ առաջին անգամ ներկայացվել է Ուկրաինայից, Ֆինլանդիայից և Լեհաստանից: Թուրքիան հայտնի է սոցիալական ցանցերն արգելափակելու բազմաթիվ դեպքերով: Սոցիալական ցանցերն արգելափակելու մասին մի քանի անգամ հրապարակավ հայտարարել է երկրի նախագահ Ռեջեփ Թայիփ Էրդողանը: Վերջին անգամ՝ 2016-ի նոյեմբերին, երկրի իշխանություններն արգելափակվել էին Twitter-ը, Facebook-ը, WhatsApp-ը և YouTube-ը, իսկ Skype-ի և Instagram-ի հետ, անհայտ պատճառներով, տեխնիկական խնդիրներ էին առաջացել: Թուրքիայում գրաքննության մոնիտորինգի խումբը արգելափակումը կապում էր «Ժողովուրդների դեմոկրատական կուսակցության» անդամների ձերբակալությունների ու կուսակցության Անկարայի գրասենյակում իրականացվող խուզարկությունների հետ: Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |