 Մեսսի. ԱԱ-2018-ն աշխարհի չեմպիոն դառնալու վերջին շանսն է արգենտինացիների այս սերնդի համար 19 մարտի 2018 - 11:40 AMT PanARMENIAN.Net - ԱԱ-2018-ն աշխարհի չեմպիոն դառնալու վերջին հնարավորությունը կլինի արգենտինացի ֆուտբոլիստների գործող սերնդի համար: Այդպիսի կարծիք է հայտնել Արգենտինայի հավաքականի հարձակվող և ավագ Լիոնել Մեսսին: «Ցավոք, մենք կախված ենք արդյունքից: Մենք զգում ենք, որ եթե հիմա չեմպիոն չդառնանք, այլևս երբեք չենք նվաճի այդ տիտղոսը», -ասել է 30-ամյա Մեսսին, գրում է ՏԱՍՍ-ը Goal.com պորտալի վրա հղումով: Արգենտինայի հավաքականների ֆուտբոլիստներ Սերխիո Ագուերոն, Գոնսալո Իգուաինը, Անխել դի Մարիան, Նիկոլաս Օտամենդին, Խավիրե Մասկերանոն 30 և ավելի տարեկան կլինեն աշխարհի առաջնության անցկացման օրերին: Արգենտինայի հավաքականը մասնակցել է ԱԱ-2014-ի եզրափակչին՝ զիջելով Գերմանիայի թիմին 0:1 հաշվով, Ամերիկայի 2015 և 2016թթ. գավաթի եզրափակիչներում արգենտինացիները պարտվել են չիլիացիներին: «Ես շատ եմ լաց եղել նման խաղերի համար, այն պատճառով, որ մենք չենք կարողացել իրականացնել մեր երկրի երազանքը: Կարծես թե 3 եզրափակիչը մեզ չի օգնել: Սակայն, ես հավատում եմ, որ մենք կկարողանանք բարձրացնել գավաթը»,-ասել է Մեսսին: Մեսսին 8 անգամ դարձել է Իսպանիայի չեմպիոն «Բարսելոնայի» կազմում, 5 անգամ դարձել է Իսպանիայի գավաթի տիտղոսակիր և 4 անգամ դարձել է Չեմպիոնների լիգայի հաղթող: Արգենտինացին 5 անգամ «Ոսկե գնդակ» է նվաճել: Արգենտինայի հավաքականի կազմում Մեսսին օլիմպիական խաղերի չեմպիոն է դարձել 2008-ին Պեկինում: Նա մասնակցել է աշխարհի 3առաջնության, լավագույն ցուցանիշը ցույց է տվել 2014-ին Բրազիլիայում՝ երբ հավաքականը արծաթե մեդալ նվաճեց, իսկ ինքը Մեսսին ճանաչվեց մրցաշարի լավագույն ֆուտբոլիստ: ԱԱ-2018-ը կանցնի հունիսի 14-ից հուլիսի 15-ը Ռուսաստանում: Արգենտինայի հավաքականը կխաղա D խմբում Իսլանդիայի, Խորվաթիայի և Նիգերիայի հավաքականների հետ:  Ուշագրավ Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա   |  Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են  Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինըԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |
