Ադրբեջանի գլխավոր լոբբիստն ու Հայոց ցեղասպանության ճանաչման հակառակորդը հեռանում է իսրայելյան Կնեսետից23 դեկտեմբերի 2008 - 14:58 AMT PanARMENIAN.Net - Յոսեֆ Շագալը` թուրք-իսրայելյան մարտավարական ալյանսի ռուսալեզու լոբբիստը, որը մարմնավորում է Ադրբեջանի հետ միջպետական գործընկերական հարաբերությունները, հեռանում է խորհրդարանական քաղաքականությունից:Շագալը` Իսրայելի ռուսալեզու լրագրողության վետերանը, հաղորդել է, որ պատրաստվում է վերադառնալ գործունեության ոլորտ, որտեղ աշխատում էր նախկինում: Նա դեռեւս հրաժարվել է մեկնաբանել ասեկոսեներն այն մասին, որ նշանակվելու է այնպիսի մի պաշտոնի, որը հավասարապես առնչվում է ինչպես դիվանագիտությանը, այնպես էլ զանգվածային մեդիային: Յոսեֆ Շագալը, որը խորհրդարանում ընտրվել էր 2006թ. ապրիլին, անցած երկուսուկես տարիների ընթացքում ակնհայտորեն առանձնացել է Ադրբեջանի հետ Իսրայելի հարաբերությունների առաջընթացի գործում: Ինքը, լինելով Բաքվից, 2007թ. ապրիլին գլխավորեց Ադրբեջան-Իսրայել (Ադ- Իս) Միջազգային Ասոցիացիան, որի նպատակը կայանում էր «երկու երկրների միջեւ քաղաքական եւ տնտեսական կապերի, բարեկամության եւ գործընկերության ամրապնդման մեջ»: Շագալն առանձնահատուկ ուշադրություն էր դարձնում Իսրայելում Ադրբեջանի դիվանագիտական, կամ գոնե առեւտրական ներկայացուցչության բացմանը, բայց այդ հանրապետության իշխանությունները դեռեւս այդպես էլ չեն վճռում նման քայլի գնալ` վախենալով փչացնել հարաբերությունները մուսուլմանական աշխարհի հետ: Դրա հետ զուգահեռ ռուսալեզու խորհրդարանականը ակտիվորեն մասնակցում էր միջպետական հաղորդակցությանը, որը նպատակուղղված էր Ադրբեջանի կողմից Իսրայելում ապրող իր նախկին քաղաքացիներին թոշակ վճարելու մասին պայմանագրի կնքմանը: 2008թ. գարնանը Շագալը կտրուկ հայտարարությամբ հանդես է եկել Կնեսետում Հայոց ցեղասպանության խնդրի քննարկման դեմ` իր դիրքորոշումը պարզաբանելով Թուրքիայի եւ Ադրբեջանի հետ մարտավարական հարաբերություններին առկա սպառնալիքով: Դրանով իսկ Յոսեֆ Շագալը, փաստորեն, հակառակվել է մեկ այլ ռուսալեզու պատգամավոր Զեեւ Էլկինին, որն ակտիվորեն առաջ էր մղում այդ նախաձեռնությունը: Շագալը իսրայելյան խորհրդարանի պատմության մեջ չի մտնի: Բայց նրա ակտիվությունը զգալի նշանակություն է ունեցել ինչպես հետխորհրդային տարածքի հարավային ծայրամասում իսրայելյան ներկայության, այնպես էլ իրանական սպառնալիքի չեզոքացման հարցում հարավկովկասյան ճյուղի զարգացման գործում, գրում է Turtsia.ru-ն: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Միրզոյան․ Ադրբեջանի ԱԳ նախարարի հետ բանակցությունները կառուցողական էին Նա հավելել է, որ գործընթացը շարունակվում է ՄԻՊ ներկայացուցիչներն այցելել են «Զվարթնոցում» հացադուլ հայտարարած Նիկոլյանին Նիկոլյանը բարձրացրել է մի շարք հարցեր, որոնք ՄԻՊ ներկայացուցիչները քննարկել են իրավասու մարմինների հետ Մայիսի 20-ից գիծ դուրս կգա մետրոյի՝ 3 վագոնով ևս մեկ շարժակազմ Շարժակազմը վերանորոգվել է 4 ամսում ԵԱՀԿ նախագահ․ Պատրաստ ենք աջակցել ՀՀ-ին՝ ԵԱՀԿ անվտանգային բոլոր երեք ուղղությամբ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա |