Արշակյան․ Կիբեռանվտանգության կենտրոն կստեղծվի

Արշակյան․ Կիբեռանվտանգության կենտրոն կստեղծվի

PanARMENIAN.Net - Հայաստանը համաշխարհային բանկի հետ ծրագրի շրջանակում կիբեռանվտանգության կենտրոնի ստեղծման ծրագիր ունի, խորհրդարանում 2021-ի բյուջեի քննարկման ժամանակ նշեց բարձր տեխնոլոգիական արդյունաբերության նախարար Հակոբ Արշակյանը:

«Այդ մասով արդեն իսկ 2 բան ենք արել: Առաջինը՝ կառավարության և կրիտիկական ենթակառուցվածքների համար բարձր մակարդակի ստանդարտների մասով արդեն իսկ շրջանառել ենք կառավարության որոշման նախագիծ, որտեղ հստակեցված են, թե ինչին պետք է համապատասխանեն ենթակառուցվածներն ու չհամապատասխանելու դեպքում ինչ մեխանիզմներ պետք է գործեն: Սա արդեն պատրաստ է և կառավարության կողմից առաջիկայում կընդունվի»,- հայտարարել է նախարարը:

Արշակյանը նշել է՝ երկրորդ ծրագրով նախատեսվում է հետևել, որ «բարձր մակարդակով գիտելիքներն ու խորհրդատվությունն ունենանք»:

2019-ի դեկտեմբերին Արշակյանը հայտարարել էր, որ Համաշխարհային բանկի հետ իրականացվող պետություն-մասնավոր համագործակցության ծրագրերի շրջանակում ներառված է նաև Կիբերանվտանգության կենտրոնի ստեղծումը՝ մոտ 2․5 մլրդ դրամ ներդրումով:

 Ուշագրավ
Krisp-ը 1 տարվա ընթացքում 0-ից 600 կորպորատիվ բաժանորդ է ձեռք բերել
«Չհամաձայնվելու դեպքում հստակ հայտնել են, որ ինձ մեղադրելու են առանձնապես ծանր հանցագործության մեջ և կալանավորելու»,- ասվում է հայտարարության մեջ
Facebook-ում նոր էմոցիան գրկախառնվող սմայլիկի տեսք կունենա
Նրանք հայտնել են, որ Ucom-ի 843 աշխատակից ազատման դիմում են գրել