Թուրքիայի բնակչությունը բոլորից շատ վստահում է բանակին, բոլորից քիչ` քաղաքական գործիչներին 2 մարտի 2009 - 13:45 AMT PanARMENIAN.Net - Երկրի 25 քաղաքում անցկացված հարցման արդյունքները ցույց են տվել, որ թուրքերը, ինչպես եւ նախկինում, բոլորից շատ վստահում են բանակին: Թուրքիայում ազդեցիկ այդ կառույցի նկատմամբ վստահությունը կազմում է 8,3 բալ եւ վերջին չորս տարվա ընթացքում գրեթե փոփոխություն չի կրել (2004 թվականին` 8,2 բալ): Թուրքիայում ամենաքիչ հեղինակությունն ունեն քաղաքական գործիչները: Անցած տարվա արդյունքում նրանք 2,9 բալ գնահատական են ստացել: Նրանց համար փոքր-ինչ բարենպաստ էր 2004 թվականը`3,4 բալ, նշվում է հիմնադրամի հետազոտության մեջ: Թուրքիայի հասարակությունում վստահության աստիճանով նախավերջին տեղն են զբաղեցնում ԶԼՄ-ները`3,8 բալ անցած տարվա արդյունքում, 2004 թվականի 4,7 բալի համեմատությամբ: Հետազոտության տվյալներով, թուրքերին առավելապես մտահոգում են տնտեսական խնդիրները: Հարցումը ցույց է տվել, որ հարցման մասնակիցների 39 տոկոսը 70 միլիոն բնակչություն ունեցող երկրի համար գլխավոր խնդիրը համարում է գործազրկությունը, 20 տոկոսը` տնտեսական անկայունությունը, եւ հետազոտության նույնքան մասնակիցները` սղաճն ու ապրուստի թանկությունը: Չորս տարին մեկ անգամ անցկացվող հարցումը նաեւ ցույց է տվել, որ մասնակիցների գրեթե կեսը (49 տոկոսը) չի հավատում, որ 2009 թվականին Թուրքիայում կհաջողվի քաղաքական կայունություն հաստատել: Քաղաքական իրավիճակի բարելավման հնարավորության մասին հաղորդել է հարցման մասնակիցների 31 տոկոսը: Հարցմանը մասնակցել է 2040 մարդ, հաղորդում է ՌԻԱ Նովոստի գործակալությունը: Մարտի 29-ին Թուրքիայում կկայանան տեղական իշխանության մարմինների ընտրությունները: Այս ընտրությունների ֆավորիտն է հանդիսանում Արդարության եւ զարգացման կուսակցությունը, որը գլխավորում է վարչապետ Ռեջեփ Թայիփ Էրդողանը: Արդարության եւ զարգացման կուսակցությունն իշխանության գլուխ է կանգնած 2002 թվականից: 2007 թվականին այն հաղթել է վերջին խորհրդարանական ընտրություններում` հավաքելով ընտրողների ձայների 46,7 տոկոսը եւ կազմավորելով մեկ կուսակցությունից կազմված կառավարություն: Էրդողանի կաբինետում ԱԳՆ նախկին ղեկավար Աբդուլահ Գյուլը նույն թվականի օգոստոսին ընտրվել էր Թուրքիայի նախագահ: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |