ՔՊ-ական․ Ոչ ոք դեռ չի դատապարտել Ադրբեջանին, իսկ Թուրքիան արդեն հայտարարել է Բաքվին սատարելու մասին13 սեպտեմբերի 2022 - 15:30 AMT PanARMENIAN.Net - ԱԺ-ում ՀՀ վարչապետ Նիկոլ Փաշինյանի հետ հարցուպատասխանի ժամանակ «Քաղաքացիական պայմանագիր» խմբակցության պատգամավոր Վիգեն Խաչատրյանը, անդրադառնալով ՀՀ դեմ ադրբեջանական ագրեսիային, նշել է, որ ՀՀ-ն դիմել է ՀԱՊԿ-ին, ՌԴ-ին և ՄԱԿ ԱԽ-ին և սպասում է պատասխանի, սակայն, դեռևս ոչ ոք չի դատապարտել Ադրբեջանի գործողությունները։ «Դեռևս որևէ մեկը չի դատապարտել ՀՀ դեմ Ադրբեջանի գործողությունները, սակայն Թուրքիան արդեն դատապարտել է Հայաստանին՝ Չավուշօղլուն։ Պետք է նստենք, քննարկենք՝ ում հետ ենք համագործակցում։ Ինչո՞ւ չի դատապարտվում Ադրբեջանը։ Ժողովուրդը մեզանից է դա պահանջելու։ Վստահ եմ, որ դրական ելք ենք ունենալու։ Մեր գործընկերները պետք է իմանան, որ մեր համբերությունը սահման ունի»,-ասել է նա։ Նա նշել է նաև, որ մենք պատերազմի մեջ ենք՝ չհայտարարված, սողացող պատերազմի։ Միևնույն ժամանակ Խաչատրյանը նշել է, որ մարդիկ պետք է զգան, որ անկախությունը գին ունի։ Խաչատրյանն ասել է նաև, որ նոյեմբերի 9-ի փաստաթուղթը միջազգային ուժ չունի, այն վավերացված չէ խորհրդարանում։ «Խաղաղության պայմանագրի խնդիրը պետք է մի կողմ դնել և խոսել խաղաղ համակեցության մասին՝ հիմքում դնելով միջազգային նորմեր, օրենքներ, պայմանագրեր։ Նոյեմբերի 9-ի փաստաթուղթը, որը շատ կարևոր փաստաթուղթ էր, բայց պիտի դրանից այն կողմ գնանք, պետք է ասենք, որ մենք Ադրբեջանի հետ խաղաղության պայմանագիր կնքելու չունենք»,-ասել է Վիգեն Խաչատրյանը՝ հավելելով, որ պահանջ ունենք ձևավորելու միջազգային նորմերով փաստաթուղթ, որը կվերաբերի Ադրբեջանի և Հայաստանի խաղաղ համակեցությանը և, ըստ այդմ, պետք է պահանջենք միջազգային երաշխիքներ։ Սեպտեմբերի 13-ին՝ ժամը 00:05-ից, Ադրբեջանի ԶՈւ ստորաբաժանումները Գորիսի, Սոթքի և Ջերմուկի ուղղությամբ հրետանային միջոցներից, խոշոր տրամաչափի հրաձգային զինատեսակներից սկսել են ինտենսիվ կրակ վարել հայկական դիրքերի ուղղությամբ: Կան զոհեր ու վիրավորներ։ Հակառակորդը կիրառում է նաև ԱԹՍ-ներ: Սեպտեմբերի 13-ի ժամը 08։00-ի դրությամբ իրադրությունը հայ-ադրբեջանական սահմանին էական փոփոխություններ չի կրել։ Հակառակորդը շարունակում է Վարդենիսի, Սոթքի, Արտանիշի, Իշխանասարի, Գորիսի և Կապանի ուղղություններով կիրառել հրետանային միջոցներ, ականանետեր, ԱԹՍ-ներ և խոշոր տրամաչափի հրաձգային զինատեսակներ՝ թիրախավորելով թե՛ ռազմական, և թե՛ քաղաքացիական ենթակառուցվածքները։ Սահմանի որոշ հատվածներում դիրքային մարտերը նույնպես շարունակվում են, հակառակորդը չի դադարեցնում առաջխաղացման փորձերը։ ԱԺ-ում ունեցած ելույթում ՀՀ վարչապետ Նիկոլ Փաշինյանը հայտարարել է, որ հայկական կողմը 49 զոհ ունի, բայց թիվը վերջնական չէ։ Ուշագրավ Այլ մանրամասներ չեն ներկայացվում «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Ամենաընթերցվողը բաժնում | Բագրատ սրբազանը՝ վարչապետի թեկնածու առաջադրվելու մասին․ Պաշտոնական որոշում չկա Նա նշել է, որ մյուս կիրակի է հանդիպելու Ամենայն հայոց կաթողիկոս Գարեգին Երկրորդի հետ Ճամփորդություն տելեկոմի անցյալով և ապագայով. Վերաբացվել է Կապի թանգարանը Թանգարանում առաջին շրջայցն անցկացրել է ընկերության գլխավոր տնօրեն Հայկ Եսայանը Մայիսի 18–ին մետրոն կաշխատի մինչև ժամը 01։00–ն Դա պայմանավորված է «Թանգարանների գիշեր» միջոցառումով Հաջիևն ու Սալիվանը քննարկել են ՀՀ-Ադրբեջան հարաբերությունների կարգավորումը Նրանք քննարկել են նաև երկկողմ հարաբերություններին առնչվող հարցեր |