  Գոռ Սահակյանը՝ Եվրոպայի չեմպիոն․ Հավատում էի հաղթանակիս 18 ապրիլի 2023 - 10:22 AMT PanARMENIAN.Net - Երևանում ընթացող ծանրամարտի Եվրոպայի առաջնությունում Հայաստանի ներկայացուցիչ Գոռ Սահակյանը (67 կգ քաշային կարգ) երկամարտում հռչակվել է Եվրոպայի չեմպիոն։ Նա գրանցել է 320 կգ արդյունք։ Պոկում և հրում վարժություններում ևս հայ ծանրորդն արժանացել է փոքր ոսկե մեդալների: «Պայքարը թեժ էր, պատասխանատվությունը՝ շատ մեծ։ Հավատում էի հաղթանակին»,-ասել է նա լրագրողների հետ զրույցում, գրում է Panorama.am-ը։ Նա նշել է, որ շատ քրտնաջան աշխատել է Երիտասարդական Եվրոպայի առաջնությունից հետո։ «Շատ ուրախ եմ։ Տպավորություններս հիանալի են։ Սրան էի սպասում, շնորհակալ եմ երկրպագուներիս, նրանց, ովքեր ինձ հավատացել են ու երկրպագել են»,-ասել է Սահակյանը։ Սա Հայաստանի առաջին ոսկին է Երևանում ընթացող առաջնությունում: Անկախ Հայաստանի պատմության ընթացքում առաջին անգամ Հայաստանն ապրիլի 15-23-ը ընդունում է ծանրամարտի Եվրոպայի մեծահասակների առաջնությունը: Ծանրամարտի Եվրոպայի առաջնությունը վարկանիշային է 2024-ին Փարիզում կայանալիք Օլիմպիական խաղերի համար: Առաջնությանը մասնակցում է 500-ից ավելի մարզիկ մոտ 40 երկրից: Ընդհանուր պատվիրակությունների թիվը կգերազանցի 1000-ը:   Ուշագրավ Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա   |  Վերջին լուրեր Ալմաթիում կհանդիպեն Միրզոյանն ու Բայրամովը  Ղազախստանը հանդես չի գալիս որպես միջնորդ, այլ միայն հարթակ է տրամադրում հանդիպման համարՄԻՊ աշխատակազմը մայիսի 9-ին արտակարգ ռեժիմով է աշխատելու Նշվել է, որ անթույլատրելի է որևէ պարագայում ոստիկանության ծառայողների կողմից անհամաչափ ուժի գործադրումըԱդրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար»ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից |
