Վրաստանի նախագահը սադրանք է որակել ՌԴ կողմից վիզաների չեղարկումը10 մայիսի 2023 - 17:58 AMT PanARMENIAN.Net - Վրաստանի նախագահ Սալոմե Զուրաբիշվիլին սադրանք և մեծ մարտահրավեր է համարել Վրաստանի համար ՌԴ կողմից վիզային ռեժիմի և թռիչքների արգելքի չեղարկումը։ Այդ մասին նա ասել է ճեպազրույցում։ «Մեզ համար գլխավորն այն է, որ դա ուղիղ սադրանք է, մարտահրավեր մեր հանրության համար, մեր իշխանությունների համար․․․ Դա հակասում է Վրաստանի շահերին, Վրաստանի արժանապատվությանը»,-ասել է նա, գրում է Sputnik- georgia-ն։ Նա հավելել է, որ ՌԴ այդ որոշումը լարվածություն կարող է առաջացնել Վրաստանում՝ կուսակցությունների միջև։ Ըստ Զուրաբիշվիլիի, պետք է Անվտանգության խորհրդի նիստ գումարել և քննարկել ՌԴ քաղաքացիների համար 3-ամսյա վիզաներ սահմանելու հարցը, ինչն, ըստ նրա, անհրաժեշտ է «հաշվի առնելով Վրաստանում առկա ներքին մարտահրավերները»։ «Մենք ընդունում ենք բոլորին, դա արդեն տարուց ավելի է դրսևորվում է, բայց կան բաներ, որոնք չպետք է տեղի ունենան։ Չի կարելի, որ ռուսալեզու մանկապարտեզներ բացվեն, որտեղ միաժամանակ չի ուսուցանվում վրացերենը, ինչն անհրաժեշտ է այստեղ ապրող երեխաների համար»,-ասել է նա։ ՌԴ նախագահ Վլադիմիր Պուտինը չեղարկել է վիզաների պահանջը Վրաստանի քաղաքացիների համար և ռուսական ավիաընկերությունների համար գործող թռիչքների արգելքը։ Որոշումն ուժի մեջ կմտնի մայիսի 15-ին։ ՌԴ և Վրաստանի միջև հարաբերությունները սրվել էին 2019-ի հունիսին, երբ Թբիլիսիում բողոքի ակցիաներ եղան ՌԴ պատգամավորների այցերի դեմ, որոնք մասնակցում էին ուղղափառության միջազգային կոնֆերանսին։ Պուտինի հրամանագրով ռուսական ավիաընկերություններին արգելվեցին թռիչքները Վրաստան, իսկ զբոսաշրջային ընկերություններին խորհուրդ տրվեց չվաճառել ուղեգրեր դեպի այդ երկիր։ Նույն օրը դադարեցվեցին վրացական ավիաընկերությունների թռիչքները ՌԴ։ Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ՄԱԿ հանձնաժողովը մտահոգված է Բաքվի կողմից հայերի արտադատական սպանություններով, խոշտանգումներով և հետաքննության բացակայությամբ Նաև մտահոգություն է արտահայտվում հայ 23 անձի շարունակվող կալանավորման առնչությամբ Փաշինյանը մեկնել է Դանիա Նա կմասնակցի «Առաջնագծից․ Հայաստանի ժողովրդավարության պաշտպանությունը» թեմայով քննարկմանը Բաքվում ԱՄՆ դեսպանատուն․ Սատարում ենք Ադրբեջանի և ՀՀ ղեկավարներին և աջակցություն առաջարկում խաղաղության հասնելու գործում Կոչ է արվում պահպանել այդ դինամիկան և համաձայնագիր ստորագրել «նախորդ բանակցությունների հիման վրա» Երևանը կհյուրընկալի կարատեի Եվրոպայի 2025-ի մեծահասակների առաջնությունը 2027-ին Եվրոպայի կարատեի պատանիների, երիտասարդների առաջնությունը ևս կանցնի Հայաստանում |