Փաշինյանի՝ Լոռի այցից հետո մարզպետն ու Քաղշին կոմիտեի նախագահն ազատվել են պաշտոններից 4 հունվարի 2024 - 12:33 AMT PanARMENIAN.Net - Լոռու մարզպետ Արամ Խաչատրյանն ու Քաղաքաշինության կոմիտեի նախագահ Արմեն Ղուլարյանն ազատվել են պաշտոններից։ Համապատասխան որոշումներն ընդունվել են գործադիրի 2024–ի առաջին նիստում։ Լոռու մարզպետի պաշտոնանկությունը հաջորդել է վարչապետ Նիկոլ Փաշինյանի մարզային այցին, որը նա արել է հունվարի 3–ին։ Կառավարության նիստում, անդրադառնալով մարզ այցին, վարչապետն ասել է, որ դառնացած է դրանից։ Նա, ծանոթանալով կառավարության կողմից իրականացվող ծրագրերին, հայտնաբերել է բազմաթիվ թերություններ։ «Երեխաներին ասում ենք՝ դպրոց ենք բացել, եկեք դաս արեք։ Այդ երեխան վերարկուն որ կախեց ու կախիչը ընկավ, ի՞նչ է մտածելու իր պետության մասին։ Նրա ռեակցիան լինելու է այն, որ 3000 դրամանոց կախիչի փոխարեն 150 դրամանոցն են կախել, շինարարից մինչև վարչապետ կիսել են փողը։ Ես չեմ կարող թույլ տալ, որ պայմաններ ստեղծենք, որ երեխաներն այդպես մտածեն»,–ասել է Փաշինյանը կառավարության նիստում։ Հունվարի 3–ին Մեդովկա բնակավայրում, որտեղ շրջայցի ընթացքում Փաշինյանն արձանագրել է բազմաթիվ խնդիրներ, վարչապետն ասել էր․ «Կառավարությունից մարդ չի՞ գալիս, մարզպետարանից մարդ չի՞ գալիս, Քաղաքաշինության կոմիտեից մարդ չի՞ գալիս, այստեղ հսկող չկա՞: Ենթադրենք, մենք չէինք գալիս, հետևողական չէինք լինում, ի՞նչ վիճակում էր այս դպրոցը երեխաներին հանձնվելու: Որտեղ նայում եմ, կարծես շինարարն ամեն տեղից ցանկացել է 1000 դրամ տանել: Չի կարելի այդպես աշխատել: Սա վերաբերմունք չէ: Ատկա՞տ ենք մենք ուզում շինարարից, մեզ փո՞ղ է տալիս: Ինչո՞ւ այդ մարդիկ իրենց գործը չեն անում: Դժգոհ եմ: Եվ սա Քաղաքաշինության կոմիտեի պատասխանատվությունն է, տեխհսկողի պատասխանատվությունը»: Արամ Խաչատրյանը մարզպետ էր նշանակվել 2020 թվականի դեկտեմբերի 17-ին։ Նա մինչ այդ «Իմ քայլը» խմբակցության պատգամավոր էր, սակայն դեկտեմբերի 8-ին հրաժարվել էր մանդատից։ Արմեն Ղուլարյանը Քաղաքաշինության կոմիտեի նախագահ էր նշանակվել 2021 թվականի հունվարի 27-ին։ Ուշագրավ Այլ մանրամասներ չեն ներկայացվում «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Ամենաընթերցվողը բաժնում | Բագրատ սրբազանը՝ վարչապետի թեկնածու առաջադրվելու մասին․ Պաշտոնական որոշում չկա Նա նշել է, որ մյուս կիրակի է հանդիպելու Ամենայն հայոց կաթողիկոս Գարեգին Երկրորդի հետ Ճամփորդություն տելեկոմի անցյալով և ապագայով. Վերաբացվել է Կապի թանգարանը Թանգարանում առաջին շրջայցն անցկացրել է ընկերության գլխավոր տնօրեն Հայկ Եսայանը Մայիսի 18–ին մետրոն կաշխատի մինչև ժամը 01։00–ն Դա պայմանավորված է «Թանգարանների գիշեր» միջոցառումով Հաջիևն ու Սալիվանը քննարկել են ՀՀ-Ադրբեջան հարաբերությունների կարգավորումը Նրանք քննարկել են նաև երկկողմ հարաբերություններին առնչվող հարցեր |