Հայաստանի ԱԳՆ-ն ու Եվրահանձնաժողովը քննարկել են մուտքի արտոնագրերի ստացման ընթացակարգի պարզեցման հարցերը23 սեպտեմբերի 2009 - 12:11 AMT PanARMENIAN.Net - Սեպտեմբերի 22-ին ՀՀ արտգործնախարար Էդվարդ Նալբանդյանն ընդունել է Եվրոպական հանձնաժողովի պատվիրակությանը` ԵՀ արտաքին հարաբերությունների գլխավոր տնօրինության արեւելյան Եվրոպայի, Հարավային Կովկասի եւ Կենտրոնական Ասիայի տնօրինության ղեկավար Գունար Վիգանդի գլխավորությամբ: Ողջունելով հյուրերին` նախարար Նալբանդյանը նշեց, որ Եվրոպական միության հետ հարաբերությունները Հայաստանի արտաքին քաղաքականության առաջնայնություններից են եւ Հայաստանը շահագրգռված է առավել զարգացնել փոխշահավետ համագործակցությունը ԵՄ հետ: Հանդիպմանը հանգամանալից զրույց ծավալվեց Հայաստան - Եվրոպական միություն համագործակցության վերաբերյալ, քննարկվեցին ԵՄ «Արեւելյան գործընկերություն» ծրագրի իրագործմանն առնչվող մի շարք հարցեր: Այս համատեքստում Հայաստանի արտաքին քաղաքական գերատեսչության ղեկավարը ընդգծեց, որ համագործակցության այս նոր ձեւաչափը զգալի ներուժ է պարունակում, եւ Հայաստանը մտադիր է ակտիվորեն մասնակցել ծրագրին: Գունար Վիգանդը Էդվարդ Նալբանդյանին ներկայացրեց այսօր Երեւանում կայացած ՀՀ-ԵՄ համագործակցության կոմիտեի 10-րդ նիստի արդյունքները: Կողմերը քննարկեցին մուտքի արտոնագրերի ստացման ընթացակարգի դյուրացման եւ ազատ առեւտրի համաձայնագրի կնքման ուղղությամբ տարվող աշխատանքները: Գունար Վիգանդը տեղեկացրեց, որ որոշում է ընդունվել ս.թ. նոյեմբերին ներկայացնելու Հայաստանի, ինչպես նաեւ Հարավային Կովկասի մյուս երկրների հետ ասոցիացման համաձայնագրերի կնքման ծրագիրը: Էդվարդ Նալբանդյանը բարձր գնահատեց ԵՄ խորհրդատուների խմբի գործունեությունը Հայաստանում` հույս հայտնելով, որ այդ նախագիծը կնպաստի բարեփոխումների իրականացմանը օրենսդիր, գործադիր եւ դատական համակարգերում: Հյուրերի խնդրանքով նախարար Նալբանդյանը ներկայացրեց հայ-թուրքական հարաբերությունների կարգավորման գործընթացը, ինչպես նաեւ արցախյան հիմնախնդրի հանգուցալուծմանն ուղղված բանակցությունների վերջին զարգացումները, հաղորդում է ՀՀ ԱԳՆ մամլո ծառայությունը: Ուշագրավ Իրանի նախագահի և նրան ուղեկցող անձանց հուղարկավորությունը տեղի կունենա մայիսի 21–ին Այլ մանրամասներ չեն ներկայացվում «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Ամենաընթերցվողը բաժնում | ARARAT-ի հատուկ երեկո՝ նվիրված Ազնավուրի 100-ամյակին Դեռևս թատրոնի շեմից հյուրերն լիապես պարուրվում էին ազնավուրյան տրամադրությամբ Գաֆարովան՝ Սիմոնյանի հետ հանդիպման մասին․ Խոսել ենք խաղաղ գործընթացից Այդ մասին նա խոսել է Ադրբեջանի խորհրդարանի նիստում Սիմոնյան․ Բագրատ սրբազանն օրենքով իրավունք չունի դառնալ վարչապետ Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ Փաստաբանները գործադուլ են անում՝ բողոքելով հարկերի բարձրացման դեմ Ըստ նրանց, փոփոխությունների ընդունման դեպքում ծառայությունների մոտ 38%-ով թանկացում կլինի |