«Ժառանգությունը» Հայաստանին կրկին կոչ է անում ճանաչել ԼՂՀ անկախությունը 2 նոյեմբերի 2009 - 16:12 AMT PanARMENIAN.Net - Վերջին ժամանակներս ՀՀ կողմից ԼՂՀ անկախության ճանաչման թեման կրկին ակտուալ է դարձել ինչպես Հայաստանի, այնպես էլ ԼՂՀ քաղաքական դաշտում, այսօր Երեւանում կայացած մամլո ասուլիսին ընդգծել է «Ժառանգություն» կուսակցության խորհրդարանական խմբակցության պատգամավոր Անահիտ Բախշյանը եւ հաղորդել, որ կուսակցությունը, կարեւորելով Հայաստանի կողմից ԼՂՀ անկախության ճանաչումը, մեկ շաբաթ առաջ հերթական անգամ հայ խորհրդարանականներին առաջարկեց ծանոթանալ Արցախի անկախության ճանաչման մասին օրինագծին: Պատգամավորի խոսքով, Հայաստանի զանազան քաղաքական շրջանակներն ու ԼՂՀ ղեկավարությունը հայ-թուրքական հարաբերությունների առիթով անուղղակիորեն խոսել են Արցախի անկախության ճանաչման անհրաժեշտության մասին: «Հայաստանը պետք է պարտադիր ճանաչի ԼՂՀ անկախությունը, որպեսզի իրավունք ունենա նույնը պահանջելու մյուս երկրներից»,- նշել է Բախշյանը: Անահիտ Բախշյանն ընդգծել է, որ Հայաստանի կողմից ԼՂՀ ճանաչումը կնպաստի նրա` որպես լիիրավ անդամի ներգրավմանը բանակցային գործընթացի մեջ: Նա ավելացրել է նաեւ, որ Արցախի անկախության ճանաչումից հետո նրա նկատմամբ պետք է փոխվի նաեւ միջազգային կազմակերպությունների վերաբերմունքը, քանի որ այն արդեն ճանաչված պետություն է լինելու: Պատասխանելով լրագրողների հարցին այն մասին, թե ինչպիսի սահմաններով է «Ժառանգությունն» առաջարկում ճանաչել Լեռնային Ղարաբաղը, պատգամավորը պատասխանել է, որ իրենց կուսակցությունը ելնում է ԼՂՀ Սահմանադրության 142-րդ հոդվածից, որում ամրագրված է, որ «ԼՂՀ կազմի մեջ մտնում են բոլոր ազատագրված տարածքները»: «Չնայած, որ երկու կառավարող կուսակցությունները` Հայաստանի Հանրապետական կուսակցությունը (ՀՀԿ) եւ «Բարգավաճ Հայաստանն» արդեն արտահայտվել են այդ գաղափարի դեմ, մենք շարունակելու ենք պնդել, որպեսզի օրինագիծը գոնե այս անգամ մտնի խորհրդարանի մեծ օրակարգի մեջ»,- նշել է Բախշյանը: Ուշագրավ Այլ մանրամասներ չեն ներկայացվում «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Ամենաընթերցվողը բաժնում | Ֆասթ Բանկի աջակցությամբ վերանորոգվել են «Բոհեմ» թատրոնի ենթակառուցվածքները «Բոհեմ» թատրոնը գործում է 2016 թվականի սեպտեմբերից «Օրգանական գյուղատնտեսության զարգացման» 2024-2025թթ. անվճար ծրագիրը սկսվում է Ծրագրին կարող են դիմել այն տնտեսվարողները, ովքեր իրականացնում են օրգանական սննդի արտադրություն կամ պատրաստ են անցնել վերջինիս Կիրանցի ճանապարհին կարմիրբերետավորները բիրտ ուժ են կիրառել․ 14 մարդ է բերման ենթարկվել ԱԺ պատգամավոր Խամոյանը տեսանյութ է հրապարակել Երևանը նոր Գլխավոր հատակագիծ կունենա Դա կլինի թվայնացված փաստաթուղթ |