  Ռուբեն Սաֆրաստյան. Վաղ, թե ուշ նոր հայ-թուրքական գործընթաց կսկսվի 29 մարտի 2010 - 18:40 AMT PanARMENIAN.Net - Մենք պետք է հասկանանք, որ Թուրքիան չի ձգտում վավերացնել հայ-թուրքական Արձանագրությունները: Այդ մասին այսօր Երեւանում կայացած մամլո ասուլիսում հայտնեց ՀՀ ԳԱԱ Արեւելագիտության ինստիտուտի տնօրեն, պրոֆեսոր Ռուբեն Սաֆրաստյանը: Նրա խոսքով, Թուրքիան իր դիվանագիտական քայլերով հայ-թուրքական գործընթացը փակուղի է մղել: «Եթե այդ գործընթացը տրամաբանական ավարտ չունենա, ապա վաղ, թե ուշ նոր հայ-թուրքական գործընթաց կսկսվի»,- ասաց Սաֆրաստյանը: Ընդ որում, նա ասաց, որ եթե գործընթացն իր շարունակությունը ստանա, ապա կողմերը եւս մեկ քայլով առաջ կգնան: «Թե արդյոք հայ-թուրքական գործընթացը դուրս կգա փակուղուց, Թուրքիայից է կախված»,- ասաց Ռուբեն Սաֆրաստյանը` ավելացնելով, որ գործընթացը փակուղուց դուրս բերելու համար Անկարան պետք է այնպիսի քայլեր ձեռնարկի, որոնք ցույց կտան, որ ինքը շահագրգռված է, որպեսզի տվյալ գործընթացը շարունակություն ունենա: Հայ փորձագետը նշեց նաեւ, որ Հայաստանը չպետք է առաջինը վավերացնի Արձանագրությունները, այլ պետք է սպասի Թուրքիայի գործողություններին:    Հայ-թուրքական հարաբերությունների կարգավորման մասին Արձանագրություններ Հայ-թուրքական հարաբերությունների կարգավորման մասին Արձանագրությունները ստորագրվել են 2009թ. հոկտեմբերի 10-ին Ցյուրիխում: Արձանագրությունները ստորագրել են Հայաստանի եւ Թուրքիայի ԱԳ նախարարներ Էդվարդ Նալբանդյանը եւ Ահմեդ Դավութօղլուն` Ֆրանսիայի, ԱՄՆ-ի, ՌԴ-ի եւ Շվեյցարիայի ԱԳՆ ղեկավարների ներկայությամբ: Շվեյցարիան որպես միջնորդ է հանդես գալիս հայ-թուրքական բանակցություններում 2007թ. ի վեր: Ըստ փաստաթղթերի, երկրների միջեւ պետք է հաստատվեն դիվանագիտական հարաբերություններ եւ պետք է բացվի 1993թ. ի վեր փակ հայ-թուրքական սահմանը: Հունվարի 12-ին Հայաստանի Սահմանադրական դատարանն Արձանագրությունները Հայաստանի Սահմանադրությանը համապատասխան ճանաչեց: ՍԴ որոշման մեջ Արձանագրությունների վերաբերյալ ոչ մի նախապայմաններ չկան, քանի որ դա հակասում է վճռի կայացման սահմանված կանոնին: ՍԴ որոշման համաձայն Հայ-թուրքական արձանագրությունները համապատասխանում են ՀՀ Սահմանադրությանն ու Հայաստանի Անկախության մասին հռչակագրին:  Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա   Ամենաընթերցվողը բաժնում |  Սյուժե Վերջին լուրեր Կաթողիկոսը և Նուբար Աֆեյանը խոսել են ՀՀ–ում իրավիճակի, Արցախի ղեկավարների ազատման, Սփյուռքի մասին  Նրանք անդրադարձել են նաև արցախահայության արդար իրավունքների պաշտպանությանՈսկեպարցի. Երբ «Արևմտյան Ադրբեջան» հասկացությունը մեջտեղից հանեն՝ կմտածենք, որ իրոք խաղաղության համար են սա անում «Աշխարհում կա՞ մի երկիր, որտեղ շահեկան դիրքերը հանձնում են թշնամուն, թե գուցե խաղաղություն լինի, գուցե ոչ»,–ասել է նաԿիրանցեցիները գիշերել են ճանապարհին, ոստիկաններն անցակետ են տեղադրել Սարիգյուղ-Բերքաբեր գյուղերի խաչմերուկում Նրանք նշել են, որ 25 հա ականապատ հողերը միշտ են եղել հայկական վերահսկողության տակՀատուկ սակագներով SWIFT փոխանցումներ․ Ֆասթ Բանկում նոր ակցիա է սկսվել Ակցիայից օգտվելու համար անհրաժեշտ է Բանկում կատարել 500,000 և ավելի դրամին համարժեք արտարժույթի փոխարկում |
