  Հայաստանի զինված ուժերը կարող են արժանի պատասխան տալ հակառակորդի արկածախնդիր քայլերին 8 ապրիլի 2010 - 14:47 AMT PanARMENIAN.Net - Հայկական զինված ուժերի մարտունակությունն այնպիսի մակարդակում է, որը թույլ կտա ապահովել Հայաստանի և ԼՂՀ-ի ժողովրդի անվտանգությունը: Այդ մասին Երևանում մամլո ասուլիսի ժամանակ հայտարարել է գեներալ-մայոր Արկադի Տեր-Թադևոսյանը (Կոմանդոս): Նրա խոսքերով, նման գնահատականներ տալիս են ԱՄՆ-ի, Ռուսաստանի, ԵՄ-ի և նույնիսկ Թուրքիայի ռազմական փորձագետները: “Բանակի մարտունակությունը գնահատվում է ոչ թե ինքնագովեստով, այլ մասնագետների իրական գնահատականներով: Միջազգային փորձագետները բարձր են գնահատում մեր բանակի պատրաստվածությունը և մարտունակությունը”,- ասել է գեներալ-մայորը և ավելացրել, որ հայկական ԶՈւ զարգացումն ու կատարելագործումը հիմնված են խորհրդային դպրոցի փորձի վրա, և այն զարգանում է: Գնահատելով Ադրբեջանի բանակի մարտունակությունը` Արկադի Տեր-Թադևոսյանը չփորձեց նվազեցնել հակառակորդի հնարավորությունները, նշելով, որ ադրբեջանական կողմի սխալն այն էր, որ նրանք երեք անգամ փորձել են վերակազմավորել ռազմական ուժերը: Նա նաև ուշադրություն դարձրեց նրան, որ հայկական բանակն, ի տարբերություն ադրբեջանականի, միատարր է: “Մենք այլազգի քիչ զինծառայողներ ունենք: Բացի դրանից, Հայաստանում ազգային փոքրամասնություններին չեն ճնշում, ինչն արվում է Ադրբեջանում: Այնտեղ ճնշում են թալիշներին, լեզգիներին և այլ ազգերի: Նրանք չեն ցանկանա կռվել Ադրբեջանի համար”,- ասել է Տեր-Թադևոսյանը: Նրա խոսքերով, պատերազմում առանցքային դեր է խաղում ոչ այնքան երկրի ռազմական հզորությունը, որքան մարդկային գործոնը և ոգու ուժը: “Մենք պայքարել ենք մեր անկախության համար ծանր պայմաններում: Բայց մենք ոգու ուժ ունենք, որը չի լքել մեզ: Բացի դրանից, մենք լավ ենք տիրապետում տեխնիկային: Մեր ռազմական ուժերը և պաշտպանական համակարգն անհրաժեշտության դեպքում պատրաստ են արժանի հակահարված տալ հակառակորդի ցանկացած արկածախնդրությանը”,- հայտարարել է Արկադի Տեր-Թադևոսյանը:    Արկադի Տեր-Թադևոսյանը(Կոմանդոս) Արկադի Տեր-Թադևոսյանը(Կոմանդոս) ծառայել է Աֆղանստանում, Չեխոսլովակիայում, Գերմանիայում, Բելառուսում և 1987թ-ից Հայաստանում:  Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը   Ամենաընթերցվողը բաժնում |  Վերջին լուրեր Համաշխարհային բանկը կաջակցի ՀՀ անտառների, ջրաճահճային տարածքների ու լանդշաֆտների վերականգնմանը  Ծրագրի նպատակն է ընդլայնել կայուն կառավարման ներքո գտնվող տարածքներըՀՀ-ն ու Իսպանիան կգործակցեն սպորտի ոլորտում․ Հուշագիր է ստորագրվել Կողմերը կհամագործակցեն նաև մասնագետների, տեխնիկական անձնակազմի և փորձագետների փոխանակման շրջանակումՌուբեն Վարդանյանի ուղերձը «Ավրորային»․ Ավելի, քան երբևէ, համոզված եմ` արժեքներն ու սկզբունքներն ավելի կարևոր են, քան նույնիսկ կյանքը «Արցախ տեղափոխվելու որոշումս կայացրեցի «Ավրորա»-ի հերոսների շնորհիվ»,–նշել է նաև Բաքվի բանտից ուղարկված ուղերձումԿիրանց-Ոսկեպար ճանապարհը կրկին փակ է․ Մտահոգությունները պահպանվում են Գյուղացիներին ամենաշատը մտահոգում է կամրջի հատվածը |
