Թուրքիայի մտավորականության ներկայացուցիչները կոչ են արել հարգել Ցեղասպանության զոհերի հիշատակը20 ապրիլի 2010 - 20:14 AMT PanARMENIAN.Net - Հայոց ցեղասպանության 95-րդ տարելիցի կապակցությամբ թուրք մտավորականության ներկայացուցիչները հանդես են եկել հայտարարությամբ, որում ասվում է. “Ձեր ցավը`մեր ցավն է”: Նրանք կոչ են անում ապրիլի 24-ին հավաքվել Ստամբուլի Թաքսիմ հրապարակում, որպեսզի հարգանքի տուրք մատուցեն Օսմանյան կայսրությունում իրականացված Հայոց ցեղասպանության զոհերի հիշատակին:Այս մասին PanARMENIAN.Net ի թղթակցին հայտնել է ակցիայի նախաձեռնող Չիգդեմ Մաթերը: Հայտարարության մեջ, մասնավորապես նշվում է. “1915 թ. Թուրքիայի բնակչությունը 13 մլն էր, այնտեղ ապրում էին մոտավորապես 1.5-2 մլն հայեր` Թրակիայում, Էգեյան շրջանում, Ադանայում, Մալաթիայում, Վանում, Կարսում, Սամաթիայում, Շիշլիում և այլուր: Նրանք մեր հարևաններն էին, դերձակները, հացթուխները, ոսկերիչները, կոշկակարները, ջրաղացպանները, մեր ընկերներն էին, ուսուցիչները, սպաները, զինվորները, պատգամավորները, պատմաբանները, երաժիշտները: Սակայն ապրիլի 24-ին նրանց տեղահանեցին և մենք նրանց կորցրինք: Նրանցից շատերն այլևս չկան, նրանք նույնիսկ գերեզման չունեն: “Մեծ եղեռնից” հետո մնացել է “մեծ ցավ”, որն արդեն 95 տարի տանջում է մեր խիղճը: Մենք կոչ ենք անում բոլոր այն թուրքերին, ովքեր զգում են այդ ցավը, սգո զգեստով և վառվող մոմերով ու ծաղիկներով ծունկի գալ 1915 թ. զոհերի հիշատակի առջև”: Նախաձեռնողները կայքէջ են բացել` www.buacihepimizin.org, որտեղ կարող են գրանցվել բոլոր նրանք, ովքեր կիսում են “ընդհանուր ցավը”: Ակցիայի նախաձեռնողներն են` Ալի Բայրամօղլուն, Բասկին Օրանը, Ջենգիզ Աքթարը, Գարո Պալյանը, Հիլալ Կապլանը, Օսման Կոկերը և այլք: Նրանք նախաձեռնել են “Հայեր, ներեք մեզ” համացանցային ակցիան, որը համացանցում տեղադրվել էր 2008 թ. դեկտեմբերի 15-ին: Այն ժամանակ ստորագրել էին մոտ 30 հազ. մարդ: Միջոցառումը տեղի կունենա ապրիլի 24-ին, Թուրքիայի ժամանակով ժամը 19.00-ին, Ստամբուլի Թաքսիմ հրապարակում: Տեղեկանք` Հայոց ցեղասպանություն; Հայոց ցեղասպանություն Հայոց ցեղասպանությունը, որն իրագործվել է Օսմանյան կայսրությունում 1915-1923թթ., XX դարի առաջին ցեղասպանությունն էր, որի նախաձեռնողները երիտթուրքերն էին: Ցեղասպանության ժամանակ ոչնչացվեց վեց հայկական վիլայեթների բնակչությունը` մոտ 1,5 մլն հայ: Եվս կես միլիոնը սփռվեց աշխարհով մեկ` սկիզբ դնելով հայկական Սփյուռքին: Ուշագրավ Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար | IDBank-ն ու Դալման աջակցում են Կովկասյան եղջերուներին վերաբնակեցնելու ծրագրին Բնապահպանությունն IDBank-ի կորպորատիվ սոցիալական պատասխանատվության առանցքային ուղղություններից է Միրզոյան․ Անկարայի հետ գործընթացում ժամանակն է, որ տեսնենք գետնի վրա իրականացվող պայմանավորվածությունները Նա նշել է, որ մի շարք հարցերի շուրջ բավականին լայն փոխըմբռնում կա ՀԿԵ․ Սանահինից մինչև Այրում երկաթուղու 8 ավերված հատվածից 2-ը վերականգնվել է Երթևեկությունը դեռևս սահմանափակ է արագությամբ և շարժակազմի տեսակով Բագրատ սրբազանը երթը տարել է դեպի ՄԻՊ գրասենյակ․ Օմբուդսմենը հրաժարվել է լրագրողների ներկայությամբ ընդունել նրան «Իմ փորձառությունը դժբախտաբար ցույց է տվել, որ այն ինչ չի տեսաձայնագրվում, տարընկալումների տեղիք է տալիս»,–ասել է սրբազանը |