Արթուր Բաղդասարյան. Հայաստանը պատրաստ է ղարաբաղյան հակամարտության զարգացման ցանկացած սցենարի25 հունիսի 2010 - 14:05 AMT PanARMENIAN.Net - «Մենք դատապարտում ենք հունիսի 18-ին Ղարաբաղի և Ադրբեջանի շփման գծում տեղի ունեցած միջադեպը»,- Երևանում մամլո ասուլիսում հայտարարել է Հայաստանի Ազգային անվտանգության խորհրդի (ԱԱԽ) քարտուղար Արթուր Բաղդասարյանը: Նրա խոսքերով, դատապարտելով այս միջադեպը, հայկական կողմն այնուամենայնիվ ղարաբաղյան հակամարտության բանակցային գործընթացը դադարեցնելու անհրաժեշտություն չի տեսնում: «Հայաստանը հավատարիմ է մնում բանակցությային գործընթացի խաղաղ կարգավորմանը, և մենք կարծում ենք, որ չպետք է թույլ տանք նման սադրանքներ և դիվերսիոն հարձակումներ»,- ասել է ՀՀ ԱԱԽ քարտուղարը, ավելացնելով, որ Հայաստանն անընդունելի է համարում այն, որ երբ մի կողմը բանակցություններ է վարում, մյուս կողմը սադրանքի է դիմում: Նա նաև նշեց, որ Հայաստանը բազմիցս հայտարարել է, որ երկրի զինված ուժերը մարտունակ վիճակում են: Նրա խոսքերով, Հայաստնի գործողությունները ղարաբաղյան հակամարտության կարգավորման մեջ ուղղված են երեք գործոնների ապահովմանը. Լեռնային Ղարաբաղի կարգավիճակի պարզաբանում, որն ունի երկու տարբերակ` կամ անկախ ԼՂՀ կամ Ղարաբաղը Հայաստանի կազմում, անվտանգության երաշխիքների ապահովում, Հայաստանի և Ղարաբաղի միջև ցամաքային հաղորդակցության առկայություն: Անդրադառնալով ռազմական գործողությունների վերսկսման հնարավորությանը` Բաղդասարյանն ասաց, որ Հայաստանը պատրաստ է ցանկացած սցենարի զարգացման: Հունիսի 18-ին` ժամը 23.30-ի սահմաններում, Չայլու գյուղի մերձակայքում Ադրբեջանից ԼՂՀ տարածք է ներխուժել զինված դիվերսիոն խմբավորում: Սահմանն անցած ադրբեջանցիներին հաջողվել է թափանցել ղարաբաղա-ադրբեջանական զորքերի շփման գոտու հյուսիս-արևելյան հատված: ԼՂՀ ՊԲ զինծառայողների զգոնության շնորհիվ թշնամու զինված խմբավորումն առճակատվել է դիրքապահներին: Տեղի է ունեցել դիմահար մերձամարտ: Հայկական կողմի ձեռնարկած միջոցառումների արդյունքում հակառակորդի առաջխաղացումը կասեցվել է: Թողնելով մեկ դիակ և զինամթերք` թշնամին հետ է քաշվել: Մարտի արդյունքում հայկական կողմը տվել է չորս զոհ, չորս վիրավոր: Ուշագրավ Այլ մանրամասներ չեն ներկայացվում «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Ամենաընթերցվողը բաժնում | Ֆասթ Բանկի աջակցությամբ վերանորոգվել են «Բոհեմ» թատրոնի ենթակառուցվածքները «Բոհեմ» թատրոնը գործում է 2016 թվականի սեպտեմբերից «Օրգանական գյուղատնտեսության զարգացման» 2024-2025թթ. անվճար ծրագիրը սկսվում է Ծրագրին կարող են դիմել այն տնտեսվարողները, ովքեր իրականացնում են օրգանական սննդի արտադրություն կամ պատրաստ են անցնել վերջինիս Կիրանցի ճանապարհին կարմիրբերետավորները բիրտ ուժ են կիրառել․ 14 մարդ է բերման ենթարկվել ԱԺ պատգամավոր Խամոյանը տեսանյութ է հրապարակել Երևանը նոր Գլխավոր հատակագիծ կունենա Դա կլինի թվայնացված փաստաթուղթ |