  Հովիկ Աբրահամյանը Հայաստան է հրավիրել Իրանի Մեջլիսի նախագահ Ալի Լարիջանիին  20 հուլիսի 2010 - 13:23 AMTPanARMENIAN.Net - Հուլիսի 19-ին ՀՀ ԱԺ նախագահ Հովիկ Աբրահամյանը Ժնեւի ՄԱԿ-ի Ազգերի պալատում Խորհրդարանների նախագահների համաշխարհային երրորդ համաժողովի նիստի ավարտին մի շարք հանդիպումներ է ունեցել, մասնակից երկրների խորհրդարանների նախագահների եւ միջազգային կառույցների ղեկավարների հետ: Հովիկ Աբրահամյանը հանդիպել է ԻԻՀ Մեջլիսի նախագահ Ալի Լարիջանիի հետ: Զրուցակիցները կարեւորել են 2009 թ. սեպտեմբերին Իրան կատարած ԱԺ նախագահի այցի ընթացքում ստորագրված Փոխըմբռնման հուշագիրը: Հովիկ Աբրահամյանը բարձր է գնահատել երկու խորհրդարաններում բարեկամության պատգամավորական խմբերի գործունեությունը: Միջխորհրդարանական կապերը ավելի խորացնելու նպատակով Հովիկ Աբրահամյանը Ալի Լարիջանիին հրավիրեց Հայաստան. հրավերը սիրով ընդունվեց: Կողմերը կարեւորեցին միջազգային կառույցներում համագործակցությունը եւ երկուստեք նշեցին, որ տարածաշրջանային հակամարտությունների և ճգնաժամերի ընթացքում Հայաստանի և Իրանի իշխանություններն աչքի են ընկել հավասարակշռված և շրջահայաց մոտեցումներով: Անդրադարձ եղավ հայ-թուրքական հարաբերություններին և ԼՂ հիմնախնդրին: Զրուցակիցները շեշտեցին, որ հակամարտությունները պետք է լուծվեն խաղաղ, բանակցային ճանապարհով: ՀՀ խորհրդարանի նախագահ Հովիկ Աբրահամյանը հանդիպեց նաև ԱՄԷ Ազգային դաշնային խորհրդի նախագահ Աբդուլ Ազիզ Ալ Ղուրեյրի հետ: Հ.Աբրահամյանը բարձր գնահատեց ԱՄԷ հավասարակշիռ արտաքին քաղաքականությունը տարածաշրջանային և միջազգային մակարդակներում: Նա գոհունակությամբ փաստեց, որ Հայաստանի և Արաբական Միացյալ Էմիրությունների միջև հարաբերությունները կայուն առաջընթաց են ապրում եւ կարեւորեց առևտրատնտեսական համագործակցության ձեռքբերումները: Պարոն Աբդուլ Ազիզ Ալ Ղուրեյրը բարձր գնահատեց Հայաստանի ջանքերը տարածաշրջանում խաղաղություն եւ կայունություն ապահովելու եւ հարեւանների հետ հարաբերությունների կարգավորման հարցում: Նույն օրը ԱԺ նախագահ Հովիկ Աբրահամյանը հանդիպեց Մոնակոյի Ազգային խորհրդի նախագահ Ժան-Ֆրանսուա Ռոբիյոնի հետ: Երկուստեք կարեւորվեց միջխորհրդարանական կապերի զարգացումը: Հ. Աբրահամյանը ներկայացրեց արցախյան հիմնախնդրի կարգավորման գործընթացը եւ շեշտեց, որ Հայաստանը խնդրի կարգավորումը տեսնում է միայն ԵԱՀԿ Մինսկի խմբի շրջանակում, այլ ձեւաչափ մեր երկրի համար ընդունելի չէ, հաղորդում է ՀՀ ԱԺ հասարակայնության եւ տեղեկատվության միջոցների հետ կապերի վարչությունը:   Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   |  Բաժիններ թեմայով Վերջին լուրեր Ուսանողների օրը՝ Բիբլոս Բանկ Արմենիայի կրթաթոշակ ստացած ուսանողների հետ  ԵՊՀ 10 ուսանող ստացել է Բիբլոս Բանկ Արմենիայի անվանական կրթաթոշակՁերբակալվել է Վահագն Չախալյանը և ևս 4 անձ Նրանք կասկածվում են խմբակային խուլիգանություն կատարելու մեջԼեռնային շրջաններում սպասվում է թաց ձյուն և մինչև -2 աստիճան ցուրտ Երևանում մայիսի լույս 17–ի գիշերը սպասվում է +11 աստիճան, իսկ 17–ի ցերեկը՝ +21Կիրանցեցիները փակել են Ոսկեպար տանող ճանապարհը Նրանք նշել են, որ հաշվի չեն առնվել իրենց դիտարկումները |
