ԼՂՀ-ն և Մեծ Բրիտանիան մտադիր են խորացնել խորհրդարանական կապերը18 օգոստոսի 2010 - 17:19 AMT PanARMENIAN.Net - Օգոստոսի 18-ին ԼՂՀ Ազգային ժողովի նախագահ Աշոտ Ղուլյանն ընդունել է Մեծ Բրիտանիայի խորհրդարանի անդամ Ստիվեն Փաունդին, որին ուղեկցում էր այդ երկրում Հայ դատի հանձնախմբի անդամ Սևան Արթինը: Բրիտանացի խորհրդարանականի հաղորդմամբ` իր այցը, ինչպես և նախորդ անգամ` 2007 թվականին, ճանաչողական բնույթ է կրում: «Խնդիրս է անմիջականորեն տեղում ծանոթանալ Լեռնային Ղարաբաղի ներքին կացությանը, քաղաքական վերնախավի և ժողովրդի տրամադրությանը` կապված ղարաբաղյան հիմնախնդրի հետ»,- ասել է նա: Հյուրի խնդրանքով ԱԺ նախագահը հակիրճ ներկայացրեց հանրապետության քաղաքական դաշտը, ձևավորված խորհրդարանական ավանդույթները և դրանց զարգացման տեսանելի հեռանկարները, ղարաբաղա-ադրբեջանական հակամարտության կարգավորման գործընթացի վերջին զարգացումները և այդ կապակցությամբ երկրի իշխանությունների ու ժողովրդի վերաբերմունքը: Զրույցի ընթացքում խոսք գնաց նաև միջխորհրդարանական կապերի ձևավորման խնդրի շուրջ: Այդ համատեքստում, մասնավորապես, քննարկվեցին արցախցի և բրիտանացի խորհրդարանականների միջև փոխադարձ շփումների ընդլայնման հնարավորություններն ու հեռանկարները: Հանդիպմանը ներկա էր ԼՂՀ ԱԺ գիտության, կրթության, մշակույթի, երիտասարդության և սպորտի հարցերի մշտական հանձնաժողովի նախագահ Արմեն Սարգսյանը, հաղորդում է ԼՂՀ ԱԺ հասարակայնության հետ կապերի ծառայությունը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |