  Երևանում ավարտվել է առաջին Համահայկական շախմատային օլիմպիադան  24 օգոստոսի 2010 - 12:39 AMTPanARMENIAN.Net - Երևանում ավարտվել է առաջին Համահայկական շախմատային օլիմպիադան, որը կազմակերպվել էր ՀՀ սփյուռքի նախարարության, Շախմատի ֆեդերացիայի և Հայաստանի Շախմատի ակադեմիայի կողմից: Օգոստոսի 23-ին Շախմատի ակադեմիայի բակում կայացել է օլիմպիադայի փակման և հաղթողների պարգևատրման արարողությունը Մրցաշարն ընթացել է անհատական և թիմային պայքարում շվեյցարական համակարգով: Թիմային առաջնությունում լրացուցիչ արդյունքներով հաղթել է ԱՊՀ թիմը, երկրորդ տեղում են Երևանի շախմատիստները, երրորդ տեղում` եվրոպացի շախմատիստները: Անհատական պայքարում անգերազանցելի էր Պողոս Նահապետյանը (Ռուսաստան), երկրորդ տեղում է` Տիգրան Պետրոսյանը (Երևան), երրորդ տեղում` Գրիգոր-Սևակ Մխիթարյանը (Բրազիլիա): Կանանց շարքում հաղթող է դարձել Դիանա Հարությունովան (Ուկրաինա), երկրորդ տեղում է Տաթև Աբրահամյանը (ԱՄՆ), երրորդ տեղում` Սիրանուշ Անդրեասյանը (Հայաստան): Բոլոր հաղթողները ստացել են դրամական պարգևներ: Հատուկ մրցանակներ են ստացել ամենակրտսեր մասնակիցները` Սամվել Սևյանը (Սան Ֆրանցիսկո) և Մանուել Պետրոսյանը (Արցախ): Փակման արարողության ժամանակ սփյուռքի փոխնախարար Ստեփան Պողոսյանն ասաց, որ կազմակերպիչները ցանկանում են մրցաշարն ավանդական դարձնել. «Մենք շատ ուրախ ենք, որ օլիմպիադան անցավ այնպես, ինչպես նախատեսվել էր: Կարծում եմ, որ Համահայկական շախմատային օլիմպիադան ավանդական կդառնա և տեղի կունենա տարին երկու անգամ»,- ասել է Պողոսյանը: Շախմատի ակադեմիայի տնօրեն Սմբատ Լպուտյանի խոսքերով, օլիմպիադան ընթացել է համառ պայքարում, և շախմատասերները գեղեցիկ շախմատային պարտիաներ են դիտել: «Օլիմպիադային մասնակցում էին ուժեղագույն շախմատիստներ, ինչը մրցաշարն ավելի գրավիչ էր դարձնում: Հուսով եմ, որ տարեց տարի այն ավելի հետաքրքիր կդառնա»,- նշել է Լպուտյանը: Օլիմպիադային մասնակցում էին 12 թիմեր (40 շախմատիստներ) 10 երկրներից: Յուրաքանչյուր թիմ ներկայացնում էին 3 պատանի և մեկ աղջիկ: Թիմերը կազմվել էին տարածաշրջանային սկզբունքով` Հայաստան և Ռուսաստան (երկուական թիմ), Արցախ, ԱՊՀ, Եվրոպա, Մերձավոր և Միջին Արևելք, Հյուսիսային և Հարավային Ամերիկա (մեկական թիմ):   Ուշագրավ Ավելի վաղ Եվրոպայի առաջնության փոխչեմպիոն էր դարձել Բարեղամ Հարությունյանը Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը   |  Վերջին լուրեր Երևանում վերսկսվել են անհնազանդության ակցիաները․ Ցուցարարները հավաքվելու են Ազատության հրապարակում  Ժամը 17։00–ին EBRD միջազգային ֆորումի շրջանակներում կայանալու է միջոցառում, որին մասնակցելու է վարչապետըՇվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նաՓաշինյան․ Ժամանակն է Բաքվի հետ ձեռք բերված համաձայնությունները ներառել խաղաղության պայմանագրում և ստորագրել Նա անդրադարձել է նաև հայկական «Խաղաղության խաչմերուկ» նախագծինՊՆ․ ԳՇ պետ Ասրյանը բացառապես ՀՀ քաղաքացի է, իսկ նրա կինը՝ ազգությամբ ռուս Նշվում է նաև, որ ԳՇ պետի որդին զինապարտ է և ներգրավված է ՀՀ ԶՈւ 2024 թվականի զորակոչային միջոցառումներին |
