Հայաստանի ֆուտբոլի հավաքականն իր դաշտում 3:1 հաշվով հաղթեց Սլովակիայի հավաքականին 9 հոկտեմբերի 2010 - 10:58 AMT PanARMENIAN.Net - Հոկտեմբերի 8-ին Եվրոպայի 2012թ. առաջնության ընտրական փուլում Հայաստանի հավաքականը Վազգեն Սարգսյանի անվան հանրապետական մարզադաշտում 3:1 հաշվով հաղթեց Սլովակիայի հավաքականին: Հայաստանի հավաքականը սկսեց գրոհել հենց առաջին րոպոներից: Արդեն 18-րդ րոպեին Յուրա Մովսիսյանի հանդեպ կոպիտ խաղի համար դեղին քարտ ստացավ անգլիական «Լիվերպուլի» պաշտպան Մարտին Շկրտելը: Հայ ֆուտբոլիստները ուրախացրեցին իրենց երկրպագուներին 23-րդ րոպեին, երբ Մարկոս Պիզելիի փոխանցումից հետո Մովսիսյանը միայնակ դուրս եկավ դարպասապահի դեմ և գնդակը ուղարկեց հակառակորդի դարպասը: Այնուհետև վտանգավոր պահ ստեղծեց Հենրիխ Մխիթարյանը՝ իրացնելով տուգանային հարվածը: Հյուրերը պատասխանեցին 37-րդ րոպեին՝ գոլ խփեց Վլադիմիր Վայս-կրտսերը: Թիմերը ընդմիջման գնացին 1:1 հաշվով: Երկրորդ խաղակեսում մեր թիմն ավելի վստահ խաղաց: 50-րդ րոպեին փոխարինման դուրս եկած Էդգար Մանուչարյանը ուժեղ հարվածեց գնդակին, սակայն դարպասապահը հակահարված տվեց, գնդակին բոլորից արագ հասավ Գևորգ Ղազարյանը և խփեց երկրորդ գոլը: Խաղի վերջնական հաշիվն 3:1 է և ՀՀ հավաքականը B խմբում 4 միավորով 4-րդ տեղում է: 6-ական միավոր ունեն Իռլանդիան, Սլովակիան ու Ռուսաստանը: Հաջորդ խաղը ՀՀ հավաքականը կանցկացնի Երևանում հոկտեմբերի 12-ին Անդորայի հավաքականի հետ: Ուշագրավ Ավելի վաղ Եվրոպայի առաջնության փոխչեմպիոն էր դարձել Բարեղամ Հարությունյանը Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը | ՀՀ–ն Մոլդովայում մասնակցում է ՆԱՏՕ-ի Regex 2024 զորավարժությունների հերթական փուլին Զորավարժությունները, որոնց մասնակցում է ՆԱՏՕ–ի գործընկեր մոտ 30 երկիր, կտևեն մինչև մայիսի 24–ը Երևանում է ԱՄՆ ԿՀՎ ղեկավարի տեղակալը․ Նրան ընդունել է Փաշինյանը Քննարկվել են ինչպես երկկողմ, այնպես էլ միջազգային օրակարգի հարցեր ԱՆ–ն չի գրանցել Արշակ Կարապետյանի կուսակցությունը՝ օրենքի մի շարք խախտումների հիմքով Նախարարությունը պարզաբանում է տարածել Նարեկ Սամսոնյանն ու Վազգեն Սաղաթելյանն ազատ են արձակվել Նրանք 3 ամիս չեն կարողանալու վարել իրենց հաղորդումը |