Հայաստանը ՆԱՏՕ-ի հետ համատեղ կմշակի ԱԳԳԾ նորացված տարբերակը18 դեկտեմբերի 2010 - 16:29 AMT PanARMENIAN.Net - Դեկտեմբերի 16-ին ՆԱՏՕ-ում ՀՀ առաքելության ղեկավար Արմեն Եդիգարյանն իր հավատարմագրերը հանձնեց ՆԱՏՕ-ի Գլխավոր քարտուղար Անդերս Ֆոգ Ռասմուսենին: Արարողությունից հետո Արմեն Եդիգարյանի եւ Անդերս Ֆոգ Ռասմուսենի միջեւ կայացավ առանձնազրույց: Շնորհավորելով ՀՀ առաքելության ղեկավարին պաշտոնի ստանձնման կապակցությամբ ՆԱՏՕ-ի Գլխավոր քարտուղարը նշեց, որ բարձր է գնահատում ՆԱՏՕ-ՀՀ համագործակցության ներկա մակարդակը, ՆԱՏՕ-ն ընկալում է Հայաստանին որպես լավ գործընկեր: Գլխավոր քարտուղարը գոհունակությամբ հիշեց իր հանդիպումը ՀՀ Նախագահի հետ այս տարվա մայիսին Բրյուսելում: Ռասմուսենը բարձր գնահատեց Հայաստանի ներդրումը Աֆղանստանում իրականացվող գործողություններին` հիշատակելով ՀՀ իշխանությունների վերջին որոշումը` համալրել ՀՀ զորախումբը Աֆղանստանում ռազմական հրահանգիչներով: ՆԱՏՕ-ՀՀ համագործակցության հետագա զարգացման համատեքստում Գլխավոր քարտուղարը կարեւորեց Հայաստան-ՆԱՏՕ Անհատական գործընկերության գործողությունների նորացված ծրագրի մշակումը: Իր հերթին Արմեն Եդիգարյանը նշեց, որ Հայաստանը կշարունակի սերտ համագործակցությունը Դաշինքի եւ Գործընկերների հետ գոյություն ունեցող համագործակցության ծրագրերի ամբողջ սպեկտրով` ներառելով փոխադարձ հետաքրքրություն ներկայացնող համագործակցության նոր ոլորտներ: Աֆղանստանում գործողությունների առումով ՀՀ առաքելության ղեկավարը նշեց, որ Լիսաբոնում արտահայտած Հայաստանի պատրաստակամությունը կրկնապատկել ՀՀ զորախմբի քանակությունը շարունակում է գտնվել օրակարգում: Արմեն Եդիգարյանը նշեց, որ այս տարի ավարտվում է 2009-2010թթ. ՀՀ-ՆԱՏՕ ԱԳԳԾ երկրորդ երկամյա փուլի իրականացումը եւ հայկական կողմը Դաշինքի հետ համատեղ կմշակի ԱԳԳԾ նորացված տարբերակը` ձգտելով ընդգրկել ծրագրում նոր ոլորտներ, հաղորդում է ՀՀ ԱԳՆ մամլո ծառայությունը: Գլխավոր քարտուղարի խնդրանքով ՀՀ առաքելության ղեկավարը ներկայացրեց հայ-թուրքական հարաբերությունների, ինչպես նաեւ արցախյան հիմնախնդրի բանակցային գործընթացի ներկայիս վիճակը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել ՀՀ նախագահն ԱՄՆ-ում հանդիպել է կուսակցությունների ներկայացուցիչների հետ Նա մանրամասներ է հայտնել Հայաստանի և Ադրբեջանի միջև ընթացքող սահմանազատման գործընթացի վերաբերյալ Սամվել Բաբայան․ Նիկոլին սարքել եք անփոխարինելի, փողոցից ում էլ բռնեն՝ իրենից վատ վարչապետ չի լինի, թող հրաժարական տա Նա ասել է, որ պետք է գնալ նոր ընտրությունների Միրզոյանն ու Բայրամովը ողջունել են առաջընթացը սահմանազատման հարցում և պայմանավորվել շարունակել բանակցությունները Բանակցությունները կշարունակվեն բաց հարցերի շուրջ, որտեղ դեռ կան տարաձայնություններ |