Թուրքիան արդեն սկսել է «նախապատրաստվել» Օսմանյան կայսրությունում Հայոց ցեղասպանության 100-ամյակին21 փետրվարի 2011 - 21:33 AMT PanARMENIAN.Net - Թուրքիան Առաջին աշխարհամարտի տարիներին Օսմանյան կայսրությունում իրագործված Հայոց ցեղասպանության նոր ճանաչումների կանխման հերթական քարոզարշավն է սկսում: CNN Turk-ի գլխավոր խմբագիր Մեհմետ Ալի Բիրանդն արդեն սկսել է հոդվածների շարքը Ցեղասպանության մասին: «Հայկական ցունամի» տերմինի հեղինակն արդեն որերորդ տարին է, ինչ Թուրքիայի ղեկավարությանը կոչ է անում առաջին քայլը կատարել Հայոց ցեղասպանության ճանաչման ճանապարհին: Հունվարին հրապարակված և Հրանտ Դինքի սպանության տարելիցին նվիրված հոդվածում Բիրանդը նախազգուշացնում է, որ 2015 թվականը սարերի հետևում չէ, և Թուրքիան պետք է կողմնորոշվի` որքան շուտ, այնքան լավ: Սակայն Թուրքիան շարժվում է այլ` արդեն փորձված ճանապարհով: Թուրքիայի արտգործնախարարությունը «1915 թվականի իրադարձությունները» վերնագրով զեկույց է նախապատրաստել, որպեսզի միջազգային հանրությանը ներկայացնի Օսմանյան կայսրությունում Հայոց ցեղասպանության վերաբերյալ «իր տեսակետը»: Թուրքերեն և անգլերեն լեզուներով զեկույցն ուղղվել է միջազգային և հասարակական կազմակերպություններ: Զեկույցը Հայոց ցեղասպանությունը բնութագրում է որպես «1915 թվականի ողբերգական իրադարձություններ»: Սակայն որպեսզի միջազգային հանրության լարվածությունը չնվազի, Թուրքիայի ԱԳՆ-ն դիմել է իր սիրելի հնարքին` մեղքը փնտրել ուրիշի մեջ: Զեկույցում ասվում է, որ 1890-1914 թվականներին Օսմանյան կայսրությունում ավելի քան 40 ապստամբություն է տեղի ունեցել: «Իսկ Առաջին համաշխարհային պատերազմի տարիներին հայերը, համագործակցելով ռուսական բանակի հետ, մահմեդականների կոտորած կազմակերպեցին` սպանելով 523 955 թուրք»: Թուրքերը կրկին հայերին մեղադրում են իրենց հանցագործություններում` «մոռանալով», որ կես միլիոն թուրքեր զոհվել են Էնվեր փաշայի անփառունակ Կովկասյան քարոզարշավի ժամանակ, այլ ոչ թե հայերի ձեռքով: Դատելով զեկույցից` Թուրքիան արդեն սկսել է «նախապատրաստվել» Օսմանյան կայսրությունում Հայոց ցեղասպանության 100-ամյակին և մինչև 2015 թվականը նման «զեկույցները» քիչ չեն լինի: Թուրքիայի ԱԳՆ-ում առանձնապես նշվում է, որ զեկույցը պատրաստվել է ի պատասխան հայկական լոբբիին, գրում է թուրքական Star-ը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |