  Ադրբեջանը Ղարաբաղում պատերազմի կոչերով իր գերեզմանն է փորում  16 մարտի 2011 - 21:05 AMTPanARMENIAN.Net - Ադրբեջանը, որը մշտապես խախտում է հրադադարի մասին իր իսկ կողմից ստորագրված համաձայնագրերը, արհամարում տերությունների ու միջնորդների կոչերը, մշտապես սադրանքներ իրագործում Արցախի ԶՈՒ հետ շփման գծում, ինչը հանգեցնում է հայ զինվորների մահվան, այս անգամ իր պաշտպանության նախարարի շուրթերով պարզորոշ հայտարարեց նոր պատերազմ սկսելու իր մտադրության մասին: Ուկրաինայի պաշտպանության նախարար Միխայիլ Եժելի հետ հանդիպմանը Ադրբեջանի պաշտպանության նախարար, գեներալ-գնդապետ Սաֆար Աբիևը հայտարարել է, որ հակամարտության կարգավորման գծով ԵԱՀԿ Մինսկի խմբի գործունեությունն առայժմ կոնկրետ արդյունքներ չի տալիս: Նախարարի խոսքով, նման իրադրության մեջ Ադրբեջանին այլ ելք չի մնում, քան լուրջ և անհրաժեշտ միջոցներ ձեռնարկել «տարածքների ազատագրման» համար: «Մենք ընդլայնում ենք մեր գործունեությունն այդ ուղղությամբ»,- ասել է Աբիևը: Այս տեսանկյունից կարելի է դիտարկել նաև Ադրբեջանի Քաղաքացիական ավիացիայի պետական աշխատակազմի տնօրեն Արիֆ Մամեդովի հայտարարությունը, որը համարձակություն ունեցավ սպառնալու Ստեփանակերտի` 2011 թվականի մայիսին շահագործման հանձնվելու պատրաստվող օդանավակայանում վայրէջք կատարող ինքնաթիռների ոչնչացմամբ: Հայաստանն ու Արցախը չեն դադարում նախազգուշացնել Բաքվին, որ երկրորդ ղարաբաղյան պատերազմը ևս կավարտվի Ադրբեջանի պարտությամբ, չնայած վերջինիս կողմից սպառազինության անհավանական ծավալների ձեռքբերումներին, որոնք կոչված են հատուցելու պրոֆեսիոնալ բանակի բացակայությունը: Իսկ ինչ վերաբերում է ինքնաթիռների ոչնչացման վերաբերյալ սպառնալիքներին, ապա Արցախն ուղղակիորեն նախազգուշացրել է. ասվածն իրագործելու նվազագույն փորձը հղի կլինի Ադրբեջանի համար անկանխատեսելի հետևանքներով: Այսինքն, նախքան արդեն մեկ անգամ պարտված ադրբեջանական բանակի անհաղթելիության մասին հեքիաթներով Ադրբեջանի ժողովրդին ներքին խնդիրներից շեղելը այդ երկրի իշխանություններն ավելի լավ է խորը մտածեն. կարող է այնպես ստացվել, որ նրանք ստիպված լինեն սկսել մի պատերազմ, որից ադրբեջանական ժողովուրդն այլևս դժվար սթափվի:   Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   Ամենաընթերցվողը բաժնում |  Վերջին լուրեր ՄԱԿ հանձնաժողովը մտահոգված է Բաքվի կողմից հայերի արտադատական սպանություններով, խոշտանգումներով և հետաքննության բացակայությամբ  Նաև մտահոգություն է արտահայտվում հայ 23 անձի շարունակվող կալանավորման առնչությամբՓաշինյանը մեկնել է Դանիա Նա կմասնակցի «Առաջնագծից․ Հայաստանի ժողովրդավարության պաշտպանությունը» թեմայով քննարկմանըԲաքվում ԱՄՆ դեսպանատուն․ Սատարում ենք Ադրբեջանի և ՀՀ ղեկավարներին և աջակցություն առաջարկում խաղաղության հասնելու գործում Կոչ է արվում պահպանել այդ դինամիկան և համաձայնագիր ստորագրել «նախորդ բանակցությունների հիման վրա»Երևանը կհյուրընկալի կարատեի Եվրոպայի 2025-ի մեծահասակների առաջնությունը 2027-ին Եվրոպայի կարատեի պատանիների, երիտասարդների առաջնությունը ևս կանցնի Հայաստանում |
