Ճապոնիայի երկրաշարժի զոհերի թիվը հասնում է 7 հազարի

19 մարտի 2011 - 16:03 AMT

PanARMENIAN.Net - Մարտի 11-ին Ճապոնիայում տեղի ունեցած ավերիչ երկրաշարժի և ցունամիի զոհ է դարձել 7 հազար 348 մարդ: Այդ մասին հայտնում է AFP-ն, հղում անելով Ճապոնիայի ոստիկանության տվյալներին: Շուրջ 10 հազար մարդ անհայտ կորած է համարվում: Մարտի 11-ին Ճապոնիայում տեղի ունեցավ 9.0 մագնիտուդով երկրաշարժ, որն առաջացրեց 10 մ բարձրությամբ ցունամի: Ըստ վերջին պաշտոնական տվյալների, զոհվածնեի ու անհայտ կորածների թիվը հասնում է 5,9 հազարի: Երկրաշարժի արդյունքում խափանվել է «Ֆուկուսիմա-1» ատոմակայանի սառեցման համակարգը: Վթարի հետևանքով երկու պայթյուն է տեղի ունեցել՝ առաջին և երրորդ էներգաբլոկներում: Արտակարգ իրավիճակ է հայտարարված հարևան «Ֆուկուսիմա-2» ատոմակայանում, որտեղ նույնպես խափանվել է սառեցման համակարգը: 30 կմ շառավիղով բնակչությունը տարհանվել է: Ճապոնիային տարերային աղետի հետևանքները վերացնելու նպատակով օգնություն են առաջարկել աշխարհի տասնյակ երկրներ, այդ թվում նաև Հայաստանը: