Չլիներ Լիբիան, ֆրանսիացի սենատորների ձեռքերն ավելի ազատ կլինեին, կարծում է Մարկեդոնովը 5 մայիսի 2011 - 12:08 AMT PanARMENIAN.Net - «Քաղաքականությունը հնարավորի արվեստն է: Ներկա հանգամանքներում Ֆրանսիայի համար ձեռնտու չէ առաջ քաշել «հայկական հարցը»: Լիբիական գործողության մեջ ներգրավվածությունը Փարիզին հակադրել է մահմեդական աշխարհին: Նախագահի ընտրությունները նույնպես սարի ետևում չեն: Իսկ Ֆրանսիայի ընտրողների շարքում քիչ չեն Թուրքիային ցավակցող մահմեդականները: Դրա հետ կապված` Սենատի զգուշությունը հասկանալի է իրական քաղաքականության համատեքստում»,- PanARMENIAN.Net ի թղթակցին հայտարարել է քաղաքագետ Սերգեյ Մարկեդոնովը: Նրա խոսքերով, չլիներ նույն Լիբիան, օրնեսդիրները ձեռքերն ավելի ազատ կլինեին: «Չմոռանանք նաև, որ գրում ենք Լիբիա, բայց մտածում` Սիրիա: Եվ այստեղ Թուրքիայի` որպես միջնորդի դերը նույնպես կարող է շահավետ լինել Արևմուտքի համար (ՆԱՏՕ, ԵՄ)` հատկապես հաշվի առնելով վերջին տարիների թուրք-սիրիական հարաբերությունների դրական դինամիկան: Այնպես որ իրական քաղաքականությունը կրկին ետին պլան է մղել պատմական արդարության վերականգնման հարցերը: Թեև լուսնի տակ ոչինչ նոր չէ: Այդպես եղել է բազմաթիվ անգամներ, արտաքին քաղաքականության մեջ դա գրեթե կանոն է»,- ասել է նա և հավելել, որ Սենատի հրաժարվելը Ցեղասպանության հերքումը «քրեականացնելուց», չեղյալ չի համարում այն ակտերը, որոնք Ֆրանսիական 5-րդ հանրապետությունն արդեն ընդունել` 1915-ի դեպքերը ճանաչելով Ցեղասպանություն: Մայիսի 4-ին Ֆրանսիայի Սենատը 196 «դեմ», 74 «կողմ» ձայներով հետաձգել է Օսմանյան կայսրությունում Հայոց ցեղասպանության հերքումը քրեականացնելու մասին սոցիալիստների օրինագիծը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Ուսանողների օրը՝ Բիբլոս Բանկ Արմենիայի կրթաթոշակ ստացած ուսանողների հետ ԵՊՀ 10 ուսանող ստացել է Բիբլոս Բանկ Արմենիայի անվանական կրթաթոշակ Ձերբակալվել է Վահագն Չախալյանը և ևս 4 անձ Նրանք կասկածվում են խմբակային խուլիգանություն կատարելու մեջ Լեռնային շրջաններում սպասվում է թաց ձյուն և մինչև -2 աստիճան ցուրտ Երևանում մայիսի լույս 17–ի գիշերը սպասվում է +11 աստիճան, իսկ 17–ի ցերեկը՝ +21 Կիրանցեցիները փակել են Ոսկեպար տանող ճանապարհը Նրանք նշել են, որ հաշվի չեն առնվել իրենց դիտարկումները |