ՄԽ-ի կողմից առաջարկված հակամարտության կարգավորման նախագիծը պատերազմն անխուսափելի է դարձնում10 հունիսի 2011 - 11:10 AMT PanARMENIAN.Net - ԵԱՀԿ Մինսկի խմբի համանախագահների մոտեցումները ակնհայտորեն հակասություններ են պարունակում. անհնար է տարածաշրջանում հասնել երկարաժամկետ խաղաղության առաջարկված սկզբունքների հիման վրա: Այդ մասին PanARMENIAN.Net գործակալությանը հաղորդել է ԼՂՀ արտաքին քաղաքականության և անվտանգության խորհրդի նախագահ, ԼՂՀ ԱԳ նախկին փոխնախարար Մասիս Մայիլյանը: «Համանախագահների կողմից ընդունված նախագիծն ընդունակ է սկզբնական փուլում հանգեցնել հակամարտող կողմերի հասարակությունների մեջ ներքին ապակայունացման, իսկ պայմանավորվածությունների իրագործման դեպքում պատերազմը կդառնա անխուսափելի, քանի որ մադրիդյան փաստաթղթի հիման վրա խաղաղությունը նշանակում է միայն պատերազմի հետաձգում: Ստացվում է, որ խաղաղություն քարոզելով միջնորդներն իրականում առաջարկում են հակամարտող կողմերին ռազմական սցենար»,- նշել է նա: Մայիլյանի խոսքերով, եթե միջազգային միջնորդներն իսկապես շահագրգռված են խաղաղության, կայունության և տարածաշրջանային զարգացման մեջ, ինչպես ասվում է Դովիլի հայտարարությունում, ապա դրանց հասնելու համար գոյություն ունեն ինչպես նյութատեխնիկական բնույթի միջոցներ, այնպես էլ քաղաքական մեխանիզմներ: Նա մասնավորապես նշել է, որ քաղաքական մեխանիզմներին է վերաբերվում ԼՂՀ անկախության միջազգային ճանաչումը, որն ընդունակ է փակել ռազմական հեռանկարը: «Այդ սցենարի իրագործումը տարածաշրջանին կբերի երկարաժամկետ կայունություն: Ստատուս քվոյի դրական փոփոխության կողմնակիցները, որոնք իսկապես շահագրգռված են տարածաշրջանում խաղաղության մեջ, պետք է նախապատվությունը տան այդ սցենարին»,- ասել է Մայիլյանը: Ղարաբաղա-ադրբեջանական հակամարտությունը Ղարաբաղա-ադրբեջանական հակամարտությունը սկսվեց 1988 թվականին: Ի պատասխան Լեռնային Ղարաբաղի ինքնավար մարզի (ԼՂԻՄ) բնակչության 80% կազմող հայերի խաղաղ պահանջներին, Ադրբեջանը ագրեսիա ծավալեց խաղաղ բնակչության դեմ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ պաշտպանության բանակը նաեւ ԼՂՀ շուրջ անվտանգության գոտի ստեղծեց, որը 7 շրջաններ է ներառում: 1994թ. մայիսի 11-ին հրադադարի մասին համաձայնություն ձեռք բերվեց (Բիշկեկյան արձանագրություն): Ներկայումս հակամարտության կարգավորմամբ զբաղվում են ԵԱՀԿ Մինսկի խմբի համանախագահները` Ֆրանսիան, ԱՄՆ-ն եւ Ռուսաստանը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Դորտմունդի «Բորուսիան» հետաքրքրված է Սպերցյանով Սպերցյանի ներկայիս աշխատանքային պայմանագիրն ակումբի հետ նախատեսված է մինչև 2026 թվականի ամառը ՀՀ–ն Մոլդովայում մասնակցում է ՆԱՏՕ-ի Regex 2024 զորավարժությունների հերթական փուլին Զորավարժությունները, որոնց մասնակցում է ՆԱՏՕ–ի գործընկեր մոտ 30 երկիր, կտևեն մինչև մայիսի 24–ը Երևանում է ԱՄՆ ԿՀՎ ղեկավարի տեղակալը․ Նրան ընդունել է Փաշինյանը Քննարկվել են ինչպես երկկողմ, այնպես էլ միջազգային օրակարգի հարցեր ԱՆ–ն չի գրանցել Արշակ Կարապետյանի կուսակցությունը՝ օրենքի մի շարք խախտումների հիմքով Նախարարությունը պարզաբանում է տարածել |