Բրիտանական խորհրդարանում փորձել են պարզել, թե ինչու այդ երկիրը մինչ օրս չի ճանաչում Հայոց ցեղասպանությունը18 հունիսի 2011 - 17:25 AMT PanARMENIAN.Net - Մեծ Բրիտանիայի խորհրդարանի Լորդերի պալատում հունիսի 16-ին կայացել է քննարկում` «Վաղուց ժամանակն է, որպեսզի Մեծ Բրիտանիան ճանաչի Հայոց ցեղասպանությունը» թեմայով: Քննարկումը կազմակերպվել էր բարոնուհի Շրիլա Ֆլավերի նախաձեռնությամբ: Այդ մասին PanARMENIAN.Net ի թղթակցին է հաղորդել Հայ-բրիտանական բարեկամության խորհրդարանական խմբի գործադիր քարտուղար Օդեթ Բազիլը: Ելույթ ունենալով քննարկման ժամանակ` Շրիլա Ֆլավերը, որն ապրիլին խորհրդարանական խմբի այցի շրջանակներում այցելել էր Հայաստան և Արցախ, հայտարարել է, որ Երևանում այցելել է Հայոց ցեղասպանության Թանգարան-ինստիտուտ, և որ իր տեսածը ոչ պակաս սարսափելի էր, քան Հոլոքոստի թանգարանը: «Ժամանակն է, որպեսզի մենք ճանաչենք Հայոց ցեղասպանությունը»,- հայտնել է բարոնուհին: Սատարելով բարոնուհի Ֆլավերին` լորդ Էյվբերին ասել է, որ Թուրքիայի կողմից այդ հանցագործության ճանաչումը կնպաստի Եվրամիությանը այդ երկրի անդամակցության գործընթացին: Բարոնուհի Քերոլայն Քոքսն իր հերթին հիշեցրել է, որ Թուրքիայում շարունակվում են «Հայոց ցեղասպանություն» տերմինը կիրառող լրագրողների և գրողների հանդեպ հետապնդումները, իսկ դասագրքերում Հայոց ցեղասպանությունը ժխտվում է: Քոքսի խոսքով, մի երկիր, որտեղ գոյություն ունի նման ցենզուրա, չի կարող Եվրամիությանն անդամակցելու հույս ունենալ: Քննարկմանը որպես բրիտանական կառավարության ներկայացուցիչ ելույթ ունեցող Մեծ Բրիտանիայի արտաքին գործերի պետնախարար Դևիդ Հաուելլը հայտնել է, որ Մեծ Բրիտանիան չի կարող միջամտել երկու հարևան երկրների գործերին: Հայոց ցեղասպանություն Հայոց ցեղասպանությունը, որն իրագործվել է Օսմանյան կայսրությունում 1915-1923թթ., XX դարի առաջին ցեղասպանությունն էր, որի նախաձեռնողները երիտթուրքերն էին: Ցեղասպանության ժամանակ ոչնչացվեց վեց հայկական վիլայեթների բնակչությունը` մոտ 1,5 մլն հայ: Եվս կես միլիոնը սփռվեց աշխարհով մեկ` սկիզբ դնելով հայկական Սփյուռքին: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ՄԱԿ հանձնաժողովը մտահոգված է Բաքվի կողմից հայերի արտադատական սպանություններով, խոշտանգումներով և հետաքննության բացակայությամբ Նաև մտահոգություն է արտահայտվում հայ 23 անձի շարունակվող կալանավորման առնչությամբ Փաշինյանը մեկնել է Դանիա Նա կմասնակցի «Առաջնագծից․ Հայաստանի ժողովրդավարության պաշտպանությունը» թեմայով քննարկմանը Բաքվում ԱՄՆ դեսպանատուն․ Սատարում ենք Ադրբեջանի և ՀՀ ղեկավարներին և աջակցություն առաջարկում խաղաղության հասնելու գործում Կոչ է արվում պահպանել այդ դինամիկան և համաձայնագիր ստորագրել «նախորդ բանակցությունների հիման վրա» Երևանը կհյուրընկալի կարատեի Եվրոպայի 2025-ի մեծահասակների առաջնությունը 2027-ին Եվրոպայի կարատեի պատանիների, երիտասարդների առաջնությունը ևս կանցնի Հայաստանում |