Մուսաբեկովը «բոլորի անունից» հետաքրքրվում է, թե ինչ է առաջարկում ՌԴ-ն բանակցությունները փակուղուց դուրս բերելու համար11 հուլիսի 2011 - 12:44 AMT PanARMENIAN.Net - Ռուսաստանում անթաքույց դժգոհությամբ ընդունեցին Կազանի հանդիպման ձախողումը, գտնում է ադրբեջանցի քաղաքագետ Ռասիմ Մուսաբեկովը: Ըստ նրա, դա կապված է ոչ միայն Դմիտրի Մեդվեդևի հեղինակության կորստի հետ: Ղարաբաղյան կարգավորման առաջխաղացումը բխում է Ռուսաստանի շահերից: Ինչպես նշել է Մուսաբեկովը, «Կազանի հանդիպման թարմ հետքերով ԶԼՄ-ներում հաղորդագրություն հայտնվեց այն մասին, որ Դմիտրի Մեդվեդևը հիասթափված է կողմերի փոխզիջման գալու անկարողությունից, նույնիսկ որ մտադիր է հրաժարվել իր միջնորդական առաքելությունից: Սակայն, իրականում Մոսկվան որոշել է չհետաձգել հարցի լուծումը և ձեռնամուխ է եղել համաձայնագրի կնքման հասնելու ևս մեկ փորձի: Մեդվեդևը անձնական ուղերձ է գրել Ադրբեջանի ու Հայաստանի նախագահներին, որը Բաքու ու Երևան հասցրեց ՌԴ ԱԳՆ ղեկավար Սերգեյ Լավրովը: Մոսկվա էր հրավիրվել խորհրդակցությունների համար ՀՀ ԱԳ նախարար Էդվարդ Նալբանդյանը, նրանից անմիջապես հետո սպասվում է Էլմար Մամեդյարովի այցը Մոսկվա: Հասկանալի է, որ բոլորին առաջին հերթին հետաքրքում է, թե ինչ է առաջարկում ՌԴ-ն բանակցությունները փակուղուց դուրս բերելու համար: Այստեղ կարելի է միայն ենթադրություններ անել: Ինչպես հայտնի է, հիմնական խոչընդոտը Լեռնային Ղարաբաղի կարգավիճակի հարցն է, նշել է ադրբեջանցի քաղաքագետը: «Թե որքանով ընդունելի կլինեն ռուսական առաջարկությունները և որքանով իրական է առաջիկայում Ալիևի, Սարգսյանի ու Մեդվեդևի հանդիպումը, դժվար է ասել: Չէ որ դրական արդյունքի հասնելու համար, հարկավոր է ճնշում գործադրել հակամարտող կողմերի վրա: Իսկ հայերի վրա իրական ճնշում գործադրել չեն ցանկանում ոչ Ռուսաստանը, ոչ ՄԽ մյուս համանախագահ երկրները: Իսկ Ադրբեջանի վրա ճնշում գործադրելու լծակներ չկան»,-գտնում է Մուսաբեկովը՝ հավելելով, որ «կարգավորման գործընթացը դեռ կարող է ձգձգվել, սակայն վնասներ կկրեն Ռուսաստանն ու Հայաստանը», հայտնում է Day.az-ը: Հունիսի 24-ին Կազանում ՌԴ նախագահի նախաձեռնությամբ և մասնակցությամբ տեղի ունեցան Հայաստանի նախագահ Սերժ Սարգսյանի ու Ադրբեջանի նախագահ Իլհամ Ալիևի բանակցությունները ղարաբաղյան կարգավորման շուրջ: Ինչպես հայտարարել է Հայաստանի ԱԳՆ-ն, կողմերին չհաջողվեց համաձայնության հասնել, քանի որ Ադրբեջանի ղեկավարը վերջին պահին 10 նոր առաջարկներ է ներկայացնել: Ղարաբաղա-ադրբեջանական հակամարտությունը Ղարաբաղա-ադրբեջանական հակամարտությունը սկսվեց 1988 թվականին: Ի պատասխան Լեռնային Ղարաբաղի ինքնավար մարզի (ԼՂԻՄ) բնակչության 80% կազմող հայերի խաղաղ պահանջներին, Ադրբեջանը ագրեսիա ծավալեց խաղաղ բնակչության դեմ: 1991-1994թթ. ազգային-ազատագրական պատերազմի արդյունքում հռչակվեց Լեռնային Ղարաբաղի Հանրապետությունը: ԼՂՀ պաշտպանության բանակը նաեւ ԼՂՀ շուրջ անվտանգության գոտի ստեղծեց, որը 7 շրջաններ է ներառում: 1994թ. մայիսի 11-ին հրադադարի մասին համաձայնություն ձեռք բերվեց (Բիշկեկյան արձանագրություն): Ներկայումս հակամարտության կարգավորմամբ զբաղվում են ԵԱՀԿ Մինսկի խմբի համանախագահները` Ֆրանսիան, ԱՄՆ-ն եւ Ռուսաստանը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |