Ամերիկացի կոնգրեսականն առաջարկում է բաժանել Կալիֆորնիան և ստեղծել ԱՄՆ 51-րդ նահանգը12 հուլիսի 2011 - 14:49 AMT PanARMENIAN.Net - Հանրապետական կուսակցության ներկայացուցիչներից մեկն առաջարկել է 51-րդ նահանգ ստեղծել ԱՄՆ-ում, գրում է The Los Angeles Times-ը: Նման նախաձեռնությամբ հանդես է եկել հանրապետական Ջեֆ Սթոունը: Նրա պլանների համաձայն, նոր նահանգը ստեղծվելու է Կալիֆորնիայի բաժանման հաշվին: Մասնավորապես, «ոսկե նահանգից» պետք է առանձնանան 13 շրջաններ` Ֆրեզնո, Իմպերիալ, Ինյու, Քերն, Քինգե, Մադերա, Մարիփոսա, Մոնո, Օրինջ, Ռիվերսայդ, Սան Բերնարդինո, Սան Դիեգո և Տուլարե: Սթոունն արդեն գիտի իր նոր վարչատարածքային միավորի անվանումը` Հարավային Կալիֆորնիա: Եթե նահանգը ստեղծվի, ապա այն կդառնա ԱՄՆ բնակչության քանակությամբ 5-րդը` 13 միլիոն: Իր հերթին Կալիֆորնիան բաժանման պատճառով առաջին տեղը կզիջի Տեխասին: Մեկնաբանելով իր նախաձեռնությունը` Սթոունը նշում է, որ Կալիֆորնիան ներկա դրությամբ վերածվել է «անվերահսկելի ֆինանսական աղետի»: Հետաքրքրական է, որ շրջանները, որոնք Սթոունն առաջարկում է անջատել, պահպանողական գաղափարների կողմնակից են և մեծամասամբ աջակցում են Հանրապետական կուսակցությանը, այն դեպքում, երբ Կալիֆորնիան լիբերալ Լոս Անջելեսի և Սան Ֆրանցիսկոյի հաշվին համարվում է դեմոկրատների օրրան: Այսպիսով, նշում են փորձագետները, հանրապետականի առաջարկը բացառապես քաղաքական նպատակներ ունի, այն է` ստեղծել ևս մեկ հանրապետական նահանգ` խարխլելով դեմոկրատների դիրքերը: Կալիֆորնիայի դեմոկրատ նահանգապետ Ջերի Բրաունի մամլո քարտուղար Ջիլ Դուրանը Սթոունի հայտարարությունն անվանել է ծիծաղելի քաղաքական արարք և ժամանակի զուր վատնում: Հուլիսի 12-ին Ռիվերսայդ շրջանի դիտորդական խորհուրդը նիստ է անցկացնելու, որի օրակարգում լինելու է Կալիֆորնիայից առանձնանալու հարցը: Եթե նախաձեռնությունը ստանա «կանաչ լույս», ապա Ռիվերսայդը կհրավիրի այլ շրջանների ղեկավարների գագաթաժողով` նոր նահանգի ստեղծման հնարավորությունը քննարկելու համար: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Fastex-ը` «ԲանՈՒԳործ․ ԵՊՀ էքսպո-2024»-ի գլխավոր գործընկեր․ Հանդիպել են ուսանողներն ու գործատուները Fastex-ի տաղավարում միջոցառման այցելուները մասնակցել են բլոկչեյնի վրա գործող հատուկ խաղարկությանը Ավագանու անդամները չեն կարողանա համատեղել իրենց պաշտոնը հանրային պաշտոնի և ծառայության հետ Նախագիծն ընդունվել է առաջին ընթերցմամբ Անհայտ անձը թմրամիջոց է առաջարկել աշակերտուհուն․ Կալանավորված կա Դեպքը տեղի է ունեցել Արարատ քաղաքի դպրոցներից մեկում ARARAT-ի հատուկ երեկո՝ նվիրված Ազնավուրի 100-ամյակին Դեռևս թատրոնի շեմից հյուրերն լիապես պարուրվում էին ազնավուրյան տրամադրությամբ |