Google+-ը հանրային է դարձել և թողարկել է նոր ֆունկցիաներ

21 սեպտեմբերի 2011 - 15:19 AMT

PanARMENIAN.Net - Մեկ օր է մնացել Facebook-ի նախագծողների կոնֆերանսին, իսկ Google-ը մրցակցի կոնֆերանսից առաջ երկու մեծ հայտարարություններ է արել։ Google-ի ճարտարագիտության ավագ փոխնախագահ Վիկ Գունդոթրան Google-ի պաշտոնական բլոգում հայտնել է, որ այժմ Google+ սոցիալական ցանցը հանրային է, բոլորը կարող են առանց հրավերի միանալ ցանցին։ Բացի դրանից Գունդոթրան հայտնել է G+-ի Hangouts ֆունկցիայի նոր թարմացումների մասին։ Այս մասին հաղորդում է Betanews-ը։ Մինչ օրս G+-ի բջջային ծրագրերում Hangouts տեսաչաթի ֆունկցիան չէր գործում, այժմ արդեն բոլոր նրանք, ովքեր օգտվում են Android 2. օպերացիոն համակարգից կարող են օգտագործել G+ ծրագրի Hangouts տեսաչաթի ֆունկցիան։ Մինչ այդ Hangouts-ը միայն նախատեսված էր միաժամանակ 10 օգտագործողների համար, իսկ այժմ արդեն Hangouts-ին կարող են միանալ միաժամանկ ավելի քան 10 օգտագործող։ Բացի այս ամենից Hangouts-ի ընթացքում այժմ օգտագործողները կարող են կիսել էկրանի պարունակությունը (screensharing) և Google փաստաթղթերը։

G+ սոցիալական ցանցը երեք ամսեկան է, սակայն արդեն հասցրել է ունենալ 20 միլիոն օգտագործող։ Այժմ, դառնալով հանրային, ավելի պարզ կերևա,թե որքան արագ են նոր օգտագործողներ գրանցվում և կմեծանա նաև ցանցի աշխարհագրական ցուցանիշը։

Հղումներ թեմայով.

http://market.android.com/details?id=com.google.android.apps.plus