  Հայ բռնցքամարտիկները Բաքվում կայանալիք ԱԱ-ում, հավանաբար, կապրեն առանձին կացարանում  22 սեպտեմբերի 2011 - 15:49 AMTPanARMENIAN.Net - Սեպտեմբերի 22-ին Հայաստանի բռնցքամարտի հավաքականը մեկնել է Թբիլիսի, որտեղից կմեկնի Բաքու՝ Աշխարհի առաջնությանը մասնակցելու նպատակով: Հայաստանի բռնցքամարտի ֆեդերացիայում PanARMENIAN.Net ի թղթակցին ասել են, որ Թբիլիսիում հայկական պատվիրակությանը կդիմավորի ադրբեջանական կողմի ազգային անվտանգության ծառայության ներկայացուցիչը: Կազմակերպիչները խոստացել են, որ կապահովեն հայկական կողմի անվտանգությունը, ինչպես դա արվեց բռնցքամարտի աշխարհի պատանեկան առաջնության ժամանակ: «Մեր ֆեդերացիան Ադրբեջանի սպորտի նախարարությունից պաշտոնական նամակ է ստացել հայ մարզիկների անվտանգությունն ապահովելու մասին: Դեռ պարզ չէ, որտեղ նրանք կիջևանեն, սակայն, հավանաբար, դա առանձին տարածք կլինի»,-ասել է ֆեդերացիայի գլխավոր քարտուղար Լյովա Հովհաննիսյանը: Հայկական պատվիրակությունը գլխավորում է Հայաստանի բռնցքամարտի առաջին փոխնախագահ Դերենիկ Գաբրիելյանը, Բաքու են մեկնել նաև սպորտի ու երիտասարդության նախարարի խորհրդական Հովսեփ Սահակյանը, գլխավոր մարզիչ Ռաֆայել Մեհրաբյանը, մարզիչներ Կարեն Աղամալյանն ու Մեխակ Ղազարյանը, մասաժիստ Հարության Պռազյանը: Հայաստանի հավաքականի կազմում հանդես կգան Հովհաննես Դանիելյանը (49կգ ք/կ), Հովհաննես Բոչկովը (56 կգ ք/կ), Վլադիմիր Սարուխանյանը (60կգ ք/կ), Հրաչիկ Ջավախյանը (64 կգ ք/կ), Սամվել Մաթևոսյանը (69կգ ք/կ), Անդրանիկ Հակոբյանը (75 կգ ք/կ), Արթուր Խաչատրյանը (81կգ ք/կ) և Արմեն Սիմոնյանը (+91 կգ ք/կ): Աշխարհի առաջնությունը մեկնարկում է սեպտեմբերի 22-ին և կավարտվի հոկտեմբերի 10-ին, այն վարկանիշային կլինի: Օլիմպիական ուղեգրեր կարող են նվաճել 1-8 տեղերը զբաղեցրած բռնցքամարտիկները:   Ուշագրավ Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա   |  Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են  Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինըԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |
