Արդյո՞ք հաքերները առևանգե՞լ են ՀՀ երեք օպերատորների բաժանորդների բազան՝ օպերատորների մեկնաբանությունները23 սեպտեմբերի 2011 - 18:07 AMT PanARMENIAN.Net - Այսօր «Ժողովուրդ» օրաթերթի կողմից տարածվել է տեղեկություն այն մասին, թե անհայտ հաքերներ ապօրինի մուտք են գործել Հայաստանի երեք օպերատորների՝ ԱրմենՏելի, ՎիվաՍել-ՄՏՍ-ի և Օրանժ Արմենիայի տվյալների բազա և տիրանալով դրանց՝ վաճառում են բաժանորդների տվյալները։ Թերթը հղում է կատարել ՀՀ ոստիկանության կազմակերպված հանցավորության դեմ պայքարի 6-րդ գլխավոր վարչության կիբեռհանցագործությունների դեմ պայքարի բաժնի պետ Սամվել Հովսեփյանին։ Նշված բաժինը այս տեղեկությունները դեռևս չի մեկնաբանում։ PanARMENIAN.Net ի թղթակցի հետ զրույցում ՎիվաՍել-ՄՏՍ-ի հանրային կապերի պատասխանատու Վահե Իսահակյանն ասաց, որ այս պահին ընկերությունը զերծ է մնում որևէ մեկնաբանությունից կապված տեղեկությունների ճշմարտության հետ։ Օրանժ Արմենիա ընկերության հանրային կապերի պատասխանատու Լիլիթ Մարտիրոսյանը PanARMENIAN.Net ի թղթակցին ասաց, որ չի կարող մեկնաբանություններ անել։ «Այս պահին մենք փորձում ենք հասկանալ, թե ինչից է ծագել ինֆորմացիան և ինչի մասին է խոսքը և մեկնաբանություններ չենք կարող անել»,-նշեց նա։ ԱրմենՏել ընկերության հանրային կապերի բաժնի ղեկավար Անուշ Բեղլոյանը PanARMENIAN.Net ի թղթակցի հետ զրույցում ասաց, որ ընկերությունն այդ ինֆորմացիային տեղեկացել է հենց ԶԼՄ-ներից։ «ԱրմենՏելը չի հանդիսանում այդ տեղեկության տարածողը։ Ես միայն կարող եմ ասել, որ ԱրմենՏելի բաժանորդների տվյալները բարձր պաշտպանվածություն ունեն և 24 ժամ գտնվում են վերահսկողության տակ։ Մեր բաժանորդների բազան կապված չէ ինտերնետի հետ և որևէ հաքեր չի կարող որևէ էլեկտրոնային միջոցով տիրանալ դրանց։ Տվյալները արտաքին աշխարհի հետ կապված չեն»,- նշեց Անուշ Բեղլոյանը։ Ուշագրավ Այդ մասին նա գրել է ֆեյսբուքյան իր էջում Համաժողովը Երևանում է անցկացվել նաև 2019-ին Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |