Ռուբեն Սաֆրաստյան. Մինչև 2012-ի կեսը պետք չէ առաջընթաց ակնկալել ղարաբաղյան հիմնահարցում 5 հոկտեմբերի 2011 - 16:28 AMT PanARMENIAN.Net - Ադրբեջանի կողմից ռազմական արկածախնդրության հնարավորությունը երբեք չի կարելի բացառել: Այդ մասին Երևանում մամլո ասուլիսում հայտարարել է ՀՀ ԳԱԱ Արևելագիտության ինստիտուտի տնօրեն, թուրքագետ Ռուբեն Սաֆրաստյանը: Նրա խոսքով, այդ հարցում Հայաստանը միշտ պետք է պատրաստ է լինի վատագույնի: Բացի դրանից, փորձագետը նշել է, որ հայկական դիվանագիտությունը պետք է իր գործունեությունն ուղղի Բաքվի կողմից հնարավոր ռազմական արկածախնդրության հարցում միջազգային հանրության զգոնության պահպանմանը: Այդ առումով Սաֆրաստյանն անդրադարձել է Ռուսաստանի ԱԳ նախարար Սերգեյ Լավրովի հայտարարությանը, նշելով, որ Մոսկվան առաջին անգամ հանդես է եկել պաշտոնական հայտարարությամբ այն մասին, որ թույլ չի տա ռազմական ուժ կիրառել տարածաշրջանում: Անդրադառնալով ղարաբաղյան հակամարտության կարգավորման գործընթացին` փորձագետն ասել է, որ Հայաստանում, Ռուսաստանում և Ադրբեջանում գալիք ընտրությունների հետ կապված հակամարտության կարգավորման բանակցային գործընթացում կարող է թայմ-աութ լինել: Նրա խոսքով, թայմ-աութի պատճառ կարող է լինել այն, որ այսօր միջազգային հանրության ողջ ուշադրությունն ուղղված է Մերձավոր Արևելքի իրավիճակին: Դրա հետ կապված` Սաֆրաստյանն ասել է, որ պետք չէ կտրուկ առաջընթաց արձանագրել ղարաբաղյան հակամարտության մեջ մինչև 2012-ի կեսը: Խոսելով ղարաբաղյան հակամարտության գոտում խաղաղապահ ուժերի տեղակայման հնարավորության մասին` հայ փորձագետը նշել է, որ տվյալ պահին դա վաղաժամկետ է, քանի որ նման անհրաժեշտություն չկա: Սակայն, նա չի բացառել, որ հակամարտության թեժացման դեպքում նման անհրաժեշտություն կառաջանա: Ուշագրավ Այլ մանրամասներ չեն ներկայացվում «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Ամենաընթերցվողը բաժնում | «Օրգանական գյուղատնտեսության զարգացման» 2024-2025թթ. անվճար ծրագիրը սկսվում է Ծրագրին կարող են դիմել այն տնտեսվարողները, ովքեր իրականացնում են օրգանական սննդի արտադրություն կամ պատրաստ են անցնել վերջինիս Կիրանցի ճանապարհին կարմիրբերետավորները բիրտ ուժ են կիրառել․ 14 մարդ է բերման ենթարկվել ԱԺ պատգամավոր Խամոյանը տեսանյութ է հրապարակել Երևանը նոր Գլխավոր հատակագիծ կունենա Դա կլինի թվայնացված փաստաթուղթ Կաթողիկոսը ցավակցագիր է հղել Իրանի հոգևոր առաջնորդին Նա վշտակցություն է հայտնել զոհերի սգակիր ընտանիքներին և Իրանի ժողովրդին |