Ստանիսլավ Տարասով. Ֆրանսիայի համար Հայաստանը դաշնակից է, Վրաստանը՝ ուղեկից, Ադրբեջանը՝ հակառակորդ 9 հոկտեմբերի 2011 - 15:25 AMT PanARMENIAN.Net - «Ես Ֆրանսիայի նախագահ Նիկոլյա Սարկոզիի շրջագայությունն անդրկովկասյան երկրներով առանձնակի կարևորության իրադարձություն են համարում», այդ մասին Analitika.at.ua-ին տված մեկնաբանությունում հայտնել է ռուս քաղաքագետ Ստանիսլավ Տարասովը: «Նախ, այն կայացել է շուտով այն բանից հետո, երբ Փարիզը մեծ աշխարհաքաղաքական հետաքրքրություն ցուցաբերեց Հյուսիսային Աֆրիկայում և Մերձավոր Արևելքում տեղ գտած ցնցումների նկատմամբ՝ օգտագործելով դրանք այնտեղ իր քաղաքական ազդեցությունն ամրապնդելու համար: Բավական է հիշել, թե ինչպես Նիկոլյա Սարկոզին և Անգլիայի վարչապետ Դևիդ Քեմերոնը Բենղազիում հայտնվեցին այնտեղ Թուրքիայի կառավարության ղեկավար Էրդողանի հայտնվելուց մի քանի ժամ առաջ: Այդպես Անկարային հասկարեցին, թե ով է «տերը» տարածաշրջանում: Ենթադրում եմ, որ Փարիզը մեծ հետաքրքրություն է ցուցաբերում նաև Սիրիայի հանդեպ, որի հետ Թուրքիան «անսպասելիորեն» փչացրել է հարաբերությունները: Այժմ, բայց արդեն հյուսիսից՝ Անդրկովկասից, Փարիզը շրջապատում է Անկարային «կարմիր դրոշակներով»՝ բոլորին դասավորելով բարիկադի տարբեր կողմերում: Կազմվում է հետևյալ դասավորությունը՝ Հայաստանը դաշնակիցն է, Վրաստանը՝ ուղեկից, Ադրբեջանը՝ պոտենցիալ հակառակորդ: Պատահական չէ, որ հենց Երևանում ու հենց հիմա Նիկոլյա Սարկոզին հայերի համար սրբազան արտահայտություններ հնչեցրեց Թուրքիայի կողմից Ցեղասպանության ճանաչման անհրաժեշտության մասին՝ այդպիսով ենթադրյալ դաշինքից վանելով միանգամից Անկարային և Բաքվին: Միևնույն ժամանակ ինձ մոտ հստակ զգացողություն կա, որ Փարիզն այդ տարածաշրջանում խոշոր քաղաքական գործողություն է նախապատրաստում: Նախ, նա ավելի համառ կերպով կսկսի պայքարել ղարաբաղյան կարգավորման համար՝ հաշվի առնելով հայերի առջև թուրքերի մեղքի պատմական «հատուցումը»՝ նրանց ստիպելով «մատնել» իրենց դաշնակից ադրբեջանցիներին: Երկրորդը, ակտիվ քայլեր կսկսվեն Իրանի ուղղությամբ՝ խաղաղ միջոցներով նրա միջուկային խնդիրը լուծելու և միջազգային մեկուսացումից դուրս բերելու նպատակով, որպեսզի Թուրքիային աշխարհաքաղաքական հակակշիռ ստեղծվի: Երրորդը, ճանապարհ բացել դեպի Պարսից ծոցի էներգետիկ պաշարները, որպեսզի Կասպիայի հանդեպ Արևմուտքի հետաքրքրության աստիճանը նվազեցվի: Այնպես որ Կովկասում Ֆրանսիայի խաղը դեռ նոր է սկսվում», հայտնել է փորձագետը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Ֆրանսիան ողջունել է ՀՀ–ին և Ադրբեջանի ԱԳ նախարարների հանդիպումն Ալմաթիում Ֆրանսիան կոչ է արել շարունակել սահմանազատումն ու քննարկումները խաղաղության պայմանագրի շուրջ IDBank-ը թողարկել է դոլարային պարտատոմսերի՝ 2024-ի թվով 2-րդ տրանշը Սա IDBank-ի դոլարային պարտատոմսերի հոբելյանական 25-րդ թողարկումն է Բագրատ սրբազան․ Իշխան Զաքարյանը չի մերժել միանալ գործընթացին Սրբազանը հավելել է, որ առաջին անգամ կարող ենք ասել, որ ընդդիմադիր խմբակցությունները հաղթահարել են առաջին փուլը Հայաստան կժամանի ԵԱՀԿ գործող նախագահը Այցն աշխատանքային է |