ԱՄՆ-ն պատրաստվում է իրական ռազմական հարվածներով պատասխանել կիբերհարձակումներին16 նոյեմբերի 2011 - 10:36 AMT PanARMENIAN.Net - ԱՄՆ-ն իրեն իրավունք է վերապահում իրական ռազմական հարվածներով պատասխանել կիբերտարածությունում հնարավոր հարձակումներին: Ինչպես հաղորդում է ԻՏԱՐ-ՏԱՍՍ-ը, այդ մասին ասվում է նոր զեկույցում, որը Պենտագոնը պատրաստել է ամերիկյան Կոնգրեսի համար: Զեկույցում նշվում է, որ «անհրաժեշտության դեպքում կիբերտարածությունում հարձակման պատասխանը կլինի նույնպիսին, ինչպիսին ցանկացած այլ սպառնալիքին ԱՄՆ-ի հասցեին»: «Մենք մեզ իրավունք ենք վերապահում կիրառել բոլոր անհրաժեշտ տարբերակները` դիվանագիտական, տեղեկատվական, ռազմական և տնտեսական»,- ասվում է Պենտագոնի զեկույցում: Զեկույցի հեղինակների խոսքով` դա անհրաժեշտ է «ազգի, մեր դաշնակիցների ու գործընկերների, ինչպես նաև մեր շահերի պաշտպանության համար»: Ինչպես նշվում է զեկույցում, նախքան ուժ կիրառելը ԱՄՆ պաշտպանության նախարարությունը կփորձի ծանրութեթև անել բոլոր մյուս հավանական տարբերակները և «ստանալ միջազգային հանրության որքան հնարավոր է լայն աջակցությունը»: Փորձագետներն այդ 12-էջանոց փաստաթուղթն անվանել են «կիբերանվտանգության ոլորտում Վաշինգտոնի քաղաքականության մասին առավել հստակ հայտարարություն»: Պենտագոնի ինտերնետ-կայքն ու համապատասխան համակարգերը չարագործների կողմից բազմաթիվ հարձակումների օբյեկտ են հանդիսանում: ԱՄՆ ռազմական գերատեսչության աշխատակիցներն իրենց աշխատանքում ավելի քան 15 հազար համակարգչային ցանցեր են կիրառում, որոնց ավելի քան 7 միլիոն համակարգիչ է միացված: Ամերիկյան համակարգչային ցանցերի վրա կիբերհարձակումները հաճախացել են վերջին տարիներին: Հաքերների կողմից ԱՄՆ պաշտպանական արդյունաբերությանը հասցված մոտավոր վնասը գնահատվում է մեկ տրիլիոն դոլար, հաղորդում է ԻՏԱՐ-ՏԱՍՍ-ը:
Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել ՀՀ նախագահն ԱՄՆ-ում հանդիպել է կուսակցությունների ներկայացուցիչների հետ Նա մանրամասներ է հայտնել Հայաստանի և Ադրբեջանի միջև ընթացքող սահմանազատման գործընթացի վերաբերյալ Սամվել Բաբայան․ Նիկոլին սարքել եք անփոխարինելի, փողոցից ում էլ բռնեն՝ իրենից վատ վարչապետ չի լինի, թող հրաժարական տա Նա ասել է, որ պետք է գնալ նոր ընտրությունների Միրզոյանն ու Բայրամովը ողջունել են առաջընթացը սահմանազատման հարցում և պայմանավորվել շարունակել բանակցությունները Բանակցությունները կշարունակվեն բաց հարցերի շուրջ, որտեղ դեռ կան տարաձայնություններ |